Ditzionàriu in línia
de sa limba e de sa cultura sarda

aórru , nm: aurru Definitzione su aorrare, sa cosa chistia, cosa chentza ispéndhia o chentza impreada Sinònimos e contràrios economia, rispàrmiu, sparagnu, stràviu | ctr. istrubberia, sperdítziu Frases a sa teraca l'intreghesit aorros suos e de sa pobidha ◊ sonniaia incunzas in aurru ◊ cun sos aorros suos comporesit unu servu ◊ cussos ant fatu aorros mannos ◊ sa domo chi si at fatu est frutu de trabàgliu e de aorru Ètimu spn. Tradutziones Frantzesu économie, gain Ingresu saving Ispagnolu ahorro Italianu rispàrmio Tedescu Sparen.

avítu , nm Definitzione su avitare; su manigiare is cosas a régula, chentza ndhe perdimentare, chentza ndhe pònnere e ne ispèndhere prus de su chi serbit / fàghere a. Sinònimos e contràrios aorru, economizu, rispàrmiu, stràviu | ctr. burrúsciu 1, disperdíssiu, istrubberia, sperdítziu Frases s'avitu est siendha Ètimu srd. Tradutziones Frantzesu économie, gain Ingresu saving Ispagnolu ahorro Italianu rispàrmio Tedescu Sparen.

economía , nf: acolomia* Definitzione totu su chi pertocat su trebballu, totu is atividades de trebballu, su produire css. bene chi podet serbire a calecunu iscopu; su impreare sa cosa chentza ndhe perdimentare, impreandhondhe su tanti chi bastat, su prus pagu chi si podet Sinònimos e contràrios aorru, economizu, rispàrmiu, stràviu Tradutziones Frantzesu économie Ingresu economy Ispagnolu economía Italianu economìa Tedescu Ökonomie.

rispàrmiu , nm: errespràmmiu Definitzione totugantu su chi no si consumat e si podet pònnere abbandha, su ispèndhere o pònnere prus pagu Sinònimos e contràrios aorru, avitu, economizu, spràmiu, stràviu | ctr. dispéndiu, isperdíciu, istrubberia, példua Frases su rispàrmiu tocat a l'abbaidare! ◊ sos Sardos emigrados ponent sos rispàrmios in Sardínnia ◊ aia imparadu àteru caminu, a su logu fia andhadu a rugadura e duncas fatu unu bellu rispàrmiu Tradutziones Frantzesu économie, gain Ingresu saving (s) Ispagnolu ahorro Italianu rispàrmio Tedescu Ersparnis.