Ditzionàriu in línia
de sa limba e de sa cultura sarda

bortaedíe, bortaidíe , nm, nf: vortaedie Definitzione sa parte de sa die apustis de su mesudie, fintzes a iscurigare Sinònimos e contràrios merí | ctr. mangianu Frases cúcuros, matas, àrvores, nuraches, candho sa bortaedie perdet aeras ant fromma de papàntules (L.Loi)◊ a manzanu no faghet, ma custu bortaedie emmo Terminologia iscientìfica sdi Ètimu srd. Tradutziones Frantzesu après-midi Ingresu afternoon Ispagnolu tarde Italianu pomerìggio Tedescu Nachmittag.

daustàdu , nm, avb: addaustadu Definitzione su tempus luego apustis papau a mesudie Sinònimos e contràrios aimpustibràngiu Ètimu srd. Tradutziones Frantzesu après-midi Ingresu afternoon Ispagnolu después de la comida, sobremesa Italianu dopopranzo Tedescu Nachmittag, am Nachmittag.

derisèro , avb: erisero* Definitzione irisero a merie, a parte de sero Frases derisero una tzonca dae sa muderina si ch'est bolada sola… Tradutziones Frantzesu hier après-midi Ingresu yesterday afternoon Ispagnolu ayer por la tarde Italianu ièri pomeríggio Tedescu gestern nachmittag.

meigàma , nm Definitzione is oras luego apustis de su mesudie; sa basca forte de su mesudie, de passau mesudie, in s'istade, e su istare in s'umbra o pausandho a oras de basca Sinònimos e contràrios bortaedie Frases a meigama andaus a logu ◊ a s'ora 'e meigama, a bólidu arribbant is fadas de logu in circa de s'umbra, fuendi sa cama! (M.Maxia) 2. lah ca dèu fatzu meigama, seu totu stracosciau! ◊ fatu meigama, faci ora de is tres, nci essit a pratza Terminologia iscientìfica sdi Ètimu srd. Tradutziones Frantzesu après-midi Ingresu afternoon Ispagnolu tarde Italianu meríggio Tedescu Mittagszeit.

merí , nm: meria, merie, meriu, mirí Definitzione sa parte de sa die de mesudie in pitzu, a dedie / a merie (nadu de bandha, bia a ue si abbàidat) = a Sud, a cara a sole a mesudie Sinònimos e contràrios bortaedie, deice | ctr. mengianu Frases in dommo de tiatia mi secio afita sua su merie intreu ◊ totu su merí est aturada citia ◊ ses de rocas e chercos circundhadu suta s'incantu de custu merie ◊ òlgiu a m'interrai auba dhui est su soli de mangianedhu fíncias a merici ◊ - Acureus, ita naras? - Eh, ci nd'at de merí!… 2. Castedhu est a merie de sa Sardigna Terminologia iscientìfica sdi Ètimu ltn. meridies Tradutziones Frantzesu après-midi Ingresu afternoon Ispagnolu tarde Italianu pomerìggio Tedescu Nachmittag.

serantínu , agt Definitzione de parte de sero, de su sero Frases cheriant connòschere su cantadore serantinu chi intendhiant sempre ◊ s'acisu tintu de amore in su vívere sou serantinu perdet totu su briu Ètimu srd. Tradutziones Frantzesu de l'après-midi Ingresu afternoon Ispagnolu postmeridiano Italianu pomeridiano Tedescu Nachmittags, nachmittägig.