Ditzionàriu in línia
de sa limba e de sa cultura sarda

gàfa , nf, nm, agt: gafu 2, grafu Definitzione orrugu de ferru o àteru fatu a cancarrone a parte e àtera po agganciare duas cosas apare; nau de singiale iscritu, una de is paréntisi impreada prus che àteru in matemàtica; fintzes una genia de lóriga chi si ponet a su cambúciu de su mannale acapiau a cadena (o fintzes coment’e trau in bestimentu); aina de su butaju po aferrare is cricos de sa carrada / gafa de fentana = aundi incàsciat sa maneta Frases apo chircadu de pònnere de acordu totu cussos cordiolos e gafitos de su bustu 3. a su porcu che li est essida sa gafa e andhadu mi ch'est a fora Terminologia iscientìfica ans Ètimu ctl. gafa Tradutziones Frantzesu agrafe, accolade, crampon, griffe Ingresu cramp, clip, curly bracket, brace Ispagnolu grapa, corchete Italianu graffa, grapa Tedescu Klammer, Akkolade, Nasenklammer, geschwungene Klammer.

girabbachínu, girabbarchínu , nm: girabbrachinu, girafachinu, zirabbarchinu Definitzione genia de tràpanu a manu: sa punta chi si dhi ponet = mècia Sinònimos e contràrios girabbarrina, tràbbanu, trapante Terminologia iscientìfica ans Ètimu itl.p giraberchin Tradutziones Frantzesu vilebrequin Ingresu brace Ispagnolu berbiquí Italianu menaròla Tedescu Bohrwinde.