derrúbbulu , nm: dirrúbbulu Definitzione próina manna, a meda, a mal'istropiadura / fàghere, piòere a d. = aira; landhe, olia a d. = aira, a meda, coment'e pruendi Sinònimos e contràrios abbisciada, abbísciu, bírrida, dallúviu*, strasura, tregonada Frases a sero sa tempesta iscopieit a derrúbbulu folte: s'abba falaiat a trainos ◊ si no sensat custu dirrúbbulu no faghet a essire! Tradutziones Frantzesu averse Ingresu deluge, downpour Ispagnolu tormenta, diluvio Italianu dilùvio, piòggia dirótta Tedescu strömender Regen.

issussiónzu , nm Definitzione su issussiare, isciusciare, betare a isciusciadura, a furriadura covecandho s'istrégiu, nau fintzes de s'abba chi proet a meda Sinònimos e contràrios sciusciada, sciusciadura / abbísciu, derrúbbulu, dirrascu, strasura Frases in su mese de capidanni at fatu un'issussionzu mannu Ètimu srd. Tradutziones Frantzesu ouragan Ingresu downpour Ispagnolu temporal Italianu nubifràgio Tedescu Überschwemmung.

sciusciàda , nf: issussiada* Definitzione su sciusciai, ma fintzes orruta mala a cropu, iscutulada / s. de àcua = bírridu Sinònimos e contràrios irfaghidura, isfata, sfaimentu / arratroxa / abbísciu, issussionzu, tregonada Frases su pirígulu de divisioni fut cumentzau apustis de sa sciusciada de su muru de Berlinu ◊ mi nc'est iscapau s'arrisu puru candu apu biu a Licu fadendu cussa sciusciada! Tradutziones Frantzesu écroulement, averse Ingresu undoing, downpour Ispagnolu derribo, revés Italianu disfaciménto, rovescióne Tedescu Zerstörung, Regenschauer.

«« Torra a chircare