Legenda Incurtzaduras | Legenda Sìmbulos

ammeciàre , vrb: ammelciare Definitzione pònnere sa mècia; istampare a tràbbanu, cun sa mècia; puntare su fosile, pigare sa míria Ètimu srd. Tradutziones Frantzesu percer, forer, trépaner Ingresu to pierce, to drill Ispagnolu horadar, taladrar Italianu forare, trapanare Tedescu durchbohren.

mècia , nf: melce, mèlcia, mèrcia, mertza 1, mertze 1, mèscia, mícia Definitzione fune posta a budhire cun sale nitru po pònnere fogu (allúere) a is minas; punta de su tràpanu po fàere istampos; puncione po tupare sa carrada (e mòvere po bogare binu); motivu, argumentu chi faet foedhare, ponet tréulu Frases su Mauchedhu trabballàt me is logus prus maraditus, in perígulu ca dhi tocàt a carriai is forredhus de is minas cun sa bruvura e cun sa mícia ◊ candho sos bucos fuint fatos, Antoni betaiat sa bruvura e poniat sas mícias 3. una mícia, Zuncheddu, as dépiu allui, ma serenu Orrú ti rispundit!(Orrú An.) Terminologia iscientìfica ans Tradutziones Frantzesu mèche, cordeau détonant Ingresu fuse, drill Ispagnolu mecha, barrena Italianu mìccia, punta da tràpano Tedescu Zündschnur, Bohrer.

tràbbanu , nm Definitzione aina cun punta a caragolu po istampare linna e pruschetotu metallos Sinònimos e contràrios girabbachinu, trapante Terminologia iscientìfica ans Ètimu itl. Tradutziones Frantzesu perceuse Ingresu drill Ispagnolu taladro Italianu tràpano Tedescu Bohrer.

trapài , vrb: trapari Definitzione istampare, fàere totu a istampos de una parte a s'àtera, passare de parte in parte Sinònimos e contràrios istampai, trabbanare Ètimu ctl. trapar Tradutziones Frantzesu percer, forer, cribler Ingresu to drill Ispagnolu taladrar, acribillar Italianu trapanare, straforare, crivellare Tedescu durchbohren.

trapànte, trapànti , nm Definitzione aina cun punta de atzàrgiu po istampare ferru, pedra, àtera cosa tostada meda (fintzes terràglia); fintzes aina de su sabbateri, coment'e a pintza cun orrodedha totu a puntas tuvudas, po fàere istampos in sa pedhe Sinònimos e contràrios girabbachinu, tràbbanu, tràpulu 2. cussu pastori fait sa pertunta a is brebeis cun su trapanti Terminologia iscientìfica ans Ètimu ctl. trepant Tradutziones Frantzesu foreuse, vilebrequin, trépan Ingresu drill Ispagnolu taladro Italianu tràpano Tedescu Bohrer.

«« Torra a chircare