Ditzionàriu in línia
de sa limba e de sa cultura sarda

isfilàda , nf Definitzione genia de crufessone, gente meda a filera, prus che àteru po ammostare o fàere a bíere calecuna cosa, fintzes po festa; filera de foedhos coment'e a cantonedha Tradutziones Frantzesu défilé, comptine Ingresu passing, nursery rhyme Ispagnolu desfile, cantinela Italianu sfilata, filastròcca Tedescu Aufmarsch, Kinderreim.

passamànu , nm: prassamanu Definitzione su aporrire una cosa s'unu a s'àteru, prus che àteru trebballandho; linna o ferru a ue faet a si poderare cun sa manu, passandho in logu de iscala o àteru; genia de orrolu o avoreta Sinònimos e contràrios linghiera Ètimu spn. pasamano Tradutziones Frantzesu chaîne Ingresu passing from hand to hand Ispagnolu en cadena, pasamanos Italianu passamano Tedescu Kette, Handlauf.

passegéri , agt, nm: passigeri, passizeri 1 Definitzione chi che passat, chi coitat a passare, chi est in passera; chie est in viàgiu cun mezu púbblicu Frases custa est néula passizera ◊ suta s'umbra de sas nues passizeras osservat su pastore sa muntagna ◊ de ómine passizeri a domo no ti ndhe abbites! 2. s'istatzione est un andhetorra de istudentes, ferrovieris, maniales, passizeris ◊ cun cussu trenu in is pigadas mannas is passigeris depiant calare a ispínghere! Tradutziones Frantzesu passager Ingresu passenger, passing Ispagnolu pasajero Italianu passeggèro Tedescu vorübergehend, Passagier.