pitzète , nm Definitzione sa braba lassada longhighedha in sa punta de sa barra de fundhu Sinònimos e contràrios barbutzu Frases zughet su pitzete biancu chei sos niarzos d'Ennargentu Tradutziones Frantzesu bouc, impériale Ingresu pointed beard Ispagnolu pizza Italianu pizzo Tedescu Spitzbart.

punciúdu , agt: puntziudu, puntzudu Definitzione chi est a punta, fatu de pòdere púnghere, intrare Sinònimos e contràrios acussu, acutzau, puntacutzu, puntidu, puntudu, puntzirudu Frases su matzone est paradu intro de sa tupa chin sas sannas puntzudas ◊ cungiànt is gennas e in s'istampu de sa crai poniant un'obilu punciudu ◊ su malloru portat is corrus punciudus Ètimu srd. Tradutziones Frantzesu pointu Ingresu sharp, pointed Ispagnolu puntiagudo Italianu aguzzo Tedescu spitz.

puntzirúdu , agt: puntzurudu Definitzione chi est fatu a punta, adatu a púnghere; chi biet o intrat a fundhu, chi cumprendhet meda Sinònimos e contràrios punciudu, puntudu Frases sa mirada sua est puntzuruda che ispidu 2. annotat chin ocros lestros, puntzirudos ◊ in s'atonzu sa frunza puntziruda de su sole perdet s'ardore Sambenados e Provèrbios smb: Punzirudu, Punzurudu Ètimu srd. Tradutziones Frantzesu pointu, pénétrant Ingresu pointed, penetrating Ispagnolu puntiagudo, penetrante Italianu acuminato, appuntito, penetrante Tedescu spitz, zugespitzt, scharf.

«« Torra a chircare