Legenda Incurtzaduras | Legenda Sìmbulos

airvèghe , nf: albeghe, alveghe, arbeghe, arbei, arveghe, aveghe Definitzione su paru animale prus connotu e pesau in Sardigna, bonu meda po su late, sa petza, sa lana, sa pedhe, pesau prus che àteru a tàgios mannos de chentinas de pegos ma fintzes a chedhas piticas / min. albeghita; èssere in sas arbeghes (nau de unu) = èssiri custodiendi o castiendi su tallu, atendendi a is brebeis própriu in cuss'ora Sinònimos e contràrios barbeghe* Frases tenet airveghes e bacas cun sos ossos covacados solu de pedhe ◊ cudh'arveghe a mélios pariat unu cristianu pranghindhe ◊ in sas arbeghes no dhue fias tue? ◊ su latzu dhu sartu, giogu cun s'arei, iscantzu s'arbei, ndi pigu s'angioni! (F.Pischedda) Terminologia iscientìfica anall, ovis aries Tradutziones Frantzesu mouton, brebis Ingresu sheep Ispagnolu oveja Italianu pècora Tedescu Schaf, Hausschaf.

barbèghe, barbèi , nf: barveghe, berbeche, berbeghe, bervè, berveche, berveghe, beveghe, birveghe, brabei, brebè, brebeghe, brebei, brobei, ebrei, vervè Definitzione su paru animale prus connotu e pesau in Sardigna, bonu meda po su late, sa petza, sa lana, sa pedhe, pesau prus che àteru a tàgios mannos de chentinas de pegos ma fintzes a chedhitas piticas; genia de nuighedhas biancas chi a medas ma ispartzinadas ammontant unu pagu s'aera / min. breberedha; genias de b.: barveghe càcara = bianca a magras niedhas, biscacada; b. salabada = chi portat coment'e ulleras, màncias arrúbias asuba de is ogus; brebei singra = chi no at fatu galu fedu Sinònimos e contràrios airveghe, chessi Maneras de nàrrere csn: su bélidu de sa brebei; cumoni de brebeis; medau o corti de brebeis = passiale; istellare sas berbeghes = pigaindedhas is angionis de bociri; èssere in sas berbeghes (nau de su pastori) = èssiri pascendi, castiendi is brebeis; andhare a sas berbeghes = andai a castiai is brebeis; àere, dare, tènnere berbeghes in pastore = àere, dare, tènnere berbeghes de àteru mere a pastorigare Frases múrghere, túndhere, immandrare sas berbeghes ◊ no ndi apu mai tentu de brobeis ◊ est andau a is brebeis, ch'est in sas berbeghes ◊ funt isparéssius brabeis e pastori ◊ custu est logu chi ant pàschidu a berbeghes ◊ teniat brebès a cumone cun is frades ◊ is brebès fiant pascenno apresu de s'erriu ◊ su pastore fut brexosu ca iat sarvau de s'istrasura su taxu de is bervès 2. est camminendi atumba atumba che brabei istasida ◊ funt babballotis mannus comenti a brobeis! 3. s'aera est totu a berbeghes ◊ in s'ària brebeis, àcua fintzas a peis Sambenados e Provèrbios prb: neche o no neche pranghet berbeche Terminologia iscientìfica anall, ovis aries Ètimu ltn. vervece Tradutziones Frantzesu mouton, brebis Ingresu sheep Ispagnolu oveja Italianu pècora Tedescu Schaf, Hausschaf.

berbechínu , agt: arveghinu, berbeghinu, brebeghinu, brebexinu, vervechinu Definitzione chi est de brebè / paru, late, casu b., peta, lana berbeghina; mascru b. = mascru de berbeghes Ètimu ltn. *berbecinus Tradutziones Frantzesu de mouton, de brebis Ingresu sheep Ispagnolu ovejuno Italianu pecorino, ovino Tedescu Schaf.

ciúrra , nf: giurra, tzurra* Definitzione brebè bècia, mescamente totu male andhada, làngia Sinònimos e contràrios bodha, busale, giurrita, tzica 1 Tradutziones Frantzesu vieille brebis Ingresu old sheep Ispagnolu oveja vieja Italianu pècora vècchia Tedescu altes Schaf.

mufròne, mufròni , nm, agt: murvone, murvoni, muvlone, muvrone, muvroni Definitzione unu de is animales arestes chi méngius distinghent sa Sardigna (impare a sa Córsica), de ue si est ispainau in àteros logos: est una genia de brebè in colore de castàngia craru, orrubiastu, po su prus múdula sa fémina, a corros grussos e atrotigaos su mascu, pilosu meda ma no lanosu coment'e is brebès; nau de ccn., chi tenet naturale malu, arestosu / sa fémina: mugra, bítara; su fedu: anzone muroninu, bitu Sinònimos e contràrios mugrone* / agrestosu, mudurcu, murvonassu 2. genti murvona o pronta a incirdinai su coru e intostai is sentidus no nd'at mai nàsciu in bidha ◊ fiat un'ómini rústicu e murvoni Terminologia iscientìfica anra, ovis ammon musimon Tradutziones Frantzesu mouflon Ingresu mouflon, wild sheep Ispagnolu musmón, muflón Italianu muflóne Tedescu Mufflon, Muffelwild, Muffel.

mugróne , nm: murgone, murone Definitzione unu de is animales arestes chi méngius distinghent sa Sardigna (e sa Córsica), de ue si est ispainau in àteros logos: est una genia de brebè in colore de castàngia craru, orrubiastu, po su prus múdula sa fémina, a corros grussos e atrotigaos su mascu, pilosu meda ma no lanosu coment'e is brebès / sa fémina: mugra, bítara; su fedu: anzone muroninu, bitu; murone de bàrdia = su murone chi andhat addainanti e daet atentu pro totu su fiotu: nadu de unu, chi istat ora meda frimmu ritzu, coment'e oretendhe; murone abbandhitadu = su chi sos àteros che catzant a un'ala Sinònimos e contràrios mufrone Frases babbu mi vatuat a inoche a bídere chervos e mugrones ◊ istat solu solu arestadu che murone ◊ allargu dai caminu inue passat murone, no bos det sa corramenta! Sambenados e Provèrbios smb: Murone, Muroni Terminologia iscientìfica anar, ovis ammon musimon Ètimu srdn. Tradutziones Frantzesu mouflon Ingresu mouflon, wild sheep Ispagnolu musmón, muflón Italianu muflóne Tedescu Mufflon, Muffelwild, Muffel.

«« Torra a chircare