Legenda Incurtzaduras | Legenda Sìmbulos

isfartzàre , vrb: sfartzai Definitzione fàere o ammostare lussu meda Sinònimos e contràrios isciorai Ètimu itl. sfarzare Tradutziones Frantzesu étaler, exhiber Ingresu to show off Ispagnolu lucir, exhibir Italianu sfoggiare, ostentare Tedescu prunken mit, auskramen.

ispagiàre, ispagliài , vrb: ispazare, ispaxae, spalgiai Definitzione bogare sa pàgia, chèrrere sa pàgia de mesu de su laore po dhu chistire límpiu; nau de ccn. su si giare a bíere prus de su chi est, unu, fàere braga, fàere su pageri Sinònimos e contràrios abentuai, irghinitiare, spalligai / abantai, bragai, ispallerai, pazesare Frases si che ispazat s'arzola iss'etotu: no cheret azudu ◊ a dedie fimus ispazendhe, a denote carruzendhe ◊ su laore in s'argiola ispagiavas si fut bentu in favore 2. tandho, ca as oliàriu, ite ispazas si de su chi produit no ndh'assazas? ◊ sunt ispazendhe pro sos milliardos chi nachi tenent ◊ sos catziadores ispazant narandhe chi cun issos cunillos e sirvones ant pacu vida Ètimu srd. Tradutziones Frantzesu dépailler Ingresu to separate wheat from straw, to show off Ispagnolu aventar, jactarse Italianu spagliare, brezzare Tedescu das Stroh entfernen von.

sciorài , vrb: isciorai* Definitzione fàere braga, fàere a bíere sa cosa chi si tenet, bantandhosindhe Sinònimos e contràrios abantai, bagianai, isfartzare Frases sétzius in su friscu, sighint a arrexonai sciorendi de contus de pisca mera ◊ donniunu sciorat su mellus chi tenit! ◊ cussas féminas portant petzus de visoni, po sciorai! ◊ sciorant is piciocas a passillu in s'arruga Tradutziones Frantzesu afficher, étaler Ingresu to show off Ispagnolu ostentar Italianu ostentare Tedescu zur Schau tragen.

scióru , nm: iscioru* Definitzione su sciorai, su fàere a bíere totu su chi unu tenet o at fatu de bellu, a braga, lussu o cosa meda chi si giaet a bíere Sinònimos e contràrios scioria Frases scàvula làmbrigas de scioru, allebiadí sa cuscéntzia de su malu scinitzu e scrivida, scrivida cun gana! ◊ ocannu si est afestau sant'Efis cun grandu scioru de genti lómpia de dogna logu ◊ lassadhus fai, ca gei dhis passat su scioru! ◊ nant chi su scioru de cudha domu siat totu unu scioru prenu de dépirus… Tradutziones Frantzesu ostentation, faste Ingresu show off, pomp Ispagnolu ostentación, fasto Italianu sfòggio, ostentazióne, fasto, fastosità Tedescu Prunk, Prahlen, Prunkhaftigeit.

«« Torra a chircare