Ditzionàriu in línia
de sa limba e de sa cultura sarda

aggortedhài , vrb Definitzione púnghere a gurtedhu, a lepedha Sinònimos e contràrios apugnalai, arresorzare, istocagiare Ètimu srd. Tradutziones Frantzesu frapper à coups de couteau, poignarder Ingresu to stab Ispagnolu acuchillar Italianu accoltellare Tedescu erstechen.

apugnalài, apugnalàre , vrb: pungelae Definitzione pigare a puntas de pugnale, a istocadas, a istichias de lepedha Sinònimos e contràrios aggortedhai, istocagiare Frases est andhadu e l'at apugnaladu a traitoria ◊ a chie cheret cantendhe apugnalat, suta s'otava sua ognunu morit (Pirastru) Ètimu ctl., spn. apunyalar Tradutziones Frantzesu poignarder Ingresu to stab Ispagnolu apuñalar Italianu pugnalare Tedescu erdolchen.

arrasogiàda , nf: arrasojada, arresojada Definitzione istichia de lepedha, segada fata a lepedha Sinònimos e contràrios sticada Tradutziones Frantzesu coup de couteau Ingresu stab Ispagnolu navajada, navajazo Italianu coltellata Tedescu Messerstich.

istichía, istichída , nf: stichida Definitzione su istichire; incracada de cosa a punghidura (e fata a punta); briga puru, su nàrrere cosa a iscontróriu Sinònimos e contràrios afruconada, istocada / liscebbussu 2. sciadau, una giovunedha boit: gei no boit mancu un'istichida de gortedhu, no! ◊ un'istichida de frucidha de ferru a ibbidhiadura!◊ chi dhu scidiat gopai… bai ca nci dh’iat bogada a istichidas de pei! Ètimu srd. Tradutziones Frantzesu estocade, moquerie, raillerie Ingresu stab, taunt Ispagnolu estocada, indirecta Italianu stoccata, rabbuffo Tedescu Hieb, Verweis.

istiletàda , nf: istilletada Definitzione cropu o istichia de istilete, de istillu Sinònimos e contràrios istillada, istocada Tradutziones Frantzesu coup de poignard Ingresu stab Ispagnolu puñalada Italianu pugnalata Tedescu Dolchstich.

istiletài, istiletàre , vrb: istilletare Definitzione púnghere a istillu, a istilete Sinònimos e contràrios istocagiare Tradutziones Frantzesu poignarder Ingresu to stab Ispagnolu apuñalar Italianu pugnalare Tedescu erdolchen.

istocàda , nf: istocata, istucada, stocada Definitzione istichia de istocu, de lepedha, acirrada de gurtedhu, istichia cun aina puntuda e segante: su foedhu dh narant fintzes cun arrennegu in parte de css. cosa Sinònimos e contràrios apugnalada, issacada, istichia, istochedhada, sticada, stochigiada Frases li at infertu un'istocada a petorras ◊ circa de t'iscabbúlliri, fillu miu, e sempri cun sa língua, lah: dhis at a intrai prus de is istocadas! 2. it'istocada cheret, como, cussu porcu: no at manigadu, chi est torra a boghes?! Ètimu itl. stoccata Tradutziones Frantzesu coup de stylet, de poignard Ingresu stab Ispagnolu puñalada Italianu stilettata, pugnalata Tedescu Dolchstich.

istocagiàre , vrb: istocazare, istochigliai, istochizare, stochigiai Definitzione púnghere a istocu, a lepedha, giogare a isticadas de istocu Sinònimos e contràrios aggortedhai, apugnalai, arresorzare, intolare, istocadare, istochedhare Frases e chie ti l'at muntesa, cussa pòbera, candho l'as istochizada?! Ètimu itl. Tradutziones Frantzesu poignarder Ingresu to stab Ispagnolu apuñalar Italianu stoccheggiare Tedescu mit dem Degen hauen.

pugnalàda , nf: apugnalada, pugnolada, pungelada, pungialada, pungiolada, punniolada, punnolada Definitzione istichia de pugnale, nau fintzes cun afuta e a frastimu Sinònimos e contràrios abbudhada, issacada, istocada Frases in sa furca chi andit e una pugnolada chi dhis papit! ◊ bi at giustíssia, e carabbineris e barracellus e pungioladas! ◊ ita punniolada si ndi fait de su dinai?! ◊ punnolada, epuru l'est piàghida sa cosa chentza la triballare! Ètimu spn. Tradutziones Frantzesu coup de poignard Ingresu stab Ispagnolu puñalada Italianu pugnalata Tedescu Dolchstoß.

sticàda , nf: isticada* Definitzione istichia, segada fata a lepedha, cropu de cosa puntuda (mescamente segante) giau a punghidura (ma fintzes s. de pei) Sinònimos e contràrios arrasogiada, istocada Frases cussus si buscant una sticada de gortedhu a piturras, chi si ponint in mesu ◊ dona una sticada de istrúmbulu a su bòi! Tradutziones Frantzesu coup de couteau Ingresu stab Ispagnolu cuchillada Italianu coltellata Tedescu Messerstich.