Ditzionàriu in línia
de sa limba e de sa cultura sarda

allimídu , agt: limidu Definitzione nau de ccn., chi no giaet nudha a is àteros, arrestigu; chi bolet totu issu, chi no bolet lassare nudha a is àteros Sinònimos e contràrios allambridu, allufiadori, allupidu, araganzatu, bentranu, calestiosu, illimidu, mangiufoni, pasteri, sassagoni, sgalluponi Frases sos mios sunt allimidos e isfidant fogu e ferru pro m'iscavare fossos suta de pes Terminologia iscientìfica ntl Ètimu srd. Tradutziones Frantzesu glouton, goulu, avare Ingresu greedy, glutton, stingy Ispagnolu glotón, avaro Italianu ghiottóne, ingórdo, avaro Tedescu Feinschmecker, eßgierig, geizig.

amindigósu , agt Definitzione chi o chie istat a míndhigu, faet o giaet sa cosa a míndhigu, est arrestigu Sinònimos e contràrios aggantzadu, assuriu, limidu, remingu, soridu, susuncu Terminologia iscientìfica ntl Ètimu srd. Tradutziones Frantzesu radin, pingre Ingresu stingy Ispagnolu tacaño Italianu tìrchio Tedescu geizig.

arrancanàdu , agt Definitzione nau de ccn., chi est malu a giare, chi no ispraghet tanti sa manu giaendho cosa Sinònimos e contràrios aggantzadu, arrancadu, assuriu, limidu, mischinzosu, soridu, susuncu Frases fit de pagos faedhos, pariat arrancanadu ◊ est ómine arrancanadu de paràulas cantu est mannu de bonugoro ◊ fit arrancanada e no daiat mai nudha Tradutziones Frantzesu radin, pingre Ingresu stingy Ispagnolu tacaño Italianu tìrchio, taccagno Tedescu geizig.

casiàca , nm Definitzione casu de baca, ma nau in cobertantza po chie est arrestigu, istrintone Sinònimos e contràrios craschiabbudhas, limidu, susuncu Ètimu srd. Tradutziones Frantzesu radin Ingresu stingy Ispagnolu tacaño, avaro Italianu spilórcio Tedescu knauserig.

craschiabbúdhas , nm: craschiaudhas Definitzione chi arrasigat fintzes is istentinas (budhas) po s'arrestigore, po ingurdoneria Sinònimos e contràrios aggantzadu, assuriu, cajasoru, limidu, soridu, susuncu Frases fit unu craschiaudhas, campaiat de su chi li daiat sa zente ◊ cussu craschiabbudhas pro carchi sodhu si est ghetau a sa cuncurréntzia! Terminologia iscientìfica ntl Ètimu srd. Tradutziones Frantzesu radin, lésineur Ingresu stingy Ispagnolu tacaño, avaro Italianu tìrchio, lesinatóre Tedescu Geizhals.

curústu , agt Definitzione chi est arrestigu, curustu, chi no ndhe giaet, de cosa Sinònimos e contràrios araganzatu, calestiosu, curustosu, limidu, susuncu Frases cussu curustu no cúmbidat a nemmos mancari lu facant a zizios! ◊ est pesandhe anzonedhos tirchinaos in custos annos curustos ◊ Malunedhu Curustu, sendhe chi est ricu e sanu, est semper chin su murru Ètimu srd. Tradutziones Frantzesu avare Ingresu stingy Ispagnolu avaro Italianu avaro Tedescu geizig.

isurzídu , agt Definitzione chi est de manu istrinta, malu a giare Sinònimos e contràrios aggantzadu, assuriu, cringone, ingurdone, issotzigadore, limidu, manteghíglia, pistricu, susuncu, tingiosu, tzecosu Frases cuss'ómine lu giughent a montovu ca fit arrebbocadu e isurzidu (G.Ruju)◊ est gai isurzidu chi si bortat a su ferru ruju Terminologia iscientìfica ntl Ètimu srd. Tradutziones Frantzesu avare Ingresu stingy Ispagnolu cicatero, tacaño Italianu spilórcio Tedescu knauserig.

pistrícu , agt, nm: pistrincu Definitzione nau de unu, chi o chie est de manu istrinta, malu a giare, arrestigu, de malugoro, chi isfrutat s'àteru; chi est a míndhigu / lughe pistrinca = paga, tropu bàscia Sinònimos e contràrios aggantzadu, assuriu, cringone, ingurdone, limidu, soridu, susuncu, tzecosu / usureri | ctr. manilalgu Frases fit mere pistrinca chi non at mai partitu unu pane lentu a sas maniales 2. no sias pistrincu! ◊ mi aperint pistricos ispirallos a mi che ispentumare Tradutziones Frantzesu radin, pingre, usuraire Ingresu usurer, stingy Ispagnolu tacaño, usurero Italianu tìrchio, usuràio Tedescu geizig, Geizhals, Wucherer.

spissécu , agt: ispicecu*, spitzecu Definitzione nau de ccn., chi no giaet, chi est malu a giare, de manu istrinta, arrestigu; chi in is gustos tenet pretesas, chi est malu a cuntentare, chi cricat su prus bonu Sinònimos e contràrios aggantzadu, corcovari, ispítziga, issotzigadore, limidu, soridu, susuncu, tingiosu, tzecosu / mendhecosu, pibincu 2. cussu est un'ómini tropu precisu, fintzas spitzecu ◊ a fostei no dhi praxit nudha: est tropu spissecu! ◊ no podia crei ca fiast de buca fini e spitzecu puru: tocat a isciri papai de totu! 3. dèu gei seu sempri cuntentu, ma c'est genti spitzeca ◊ cumpadessat: s'intendit mali e po cussu est unu paghedhu spitzecu! Tradutziones Frantzesu radin, tatillon Ingresu stingy, fussy Ispagnolu tacaño, meticuloso, descontentadizo Italianu taccagno, pignòlo, ricercato Tedescu geizig, pedantisch, geziert.

susúncu , agt, nm Definitzione chi o chie est de manu istrinta meda, malu a giare, arrestigu Sinònimos e contràrios acaniu, aggantzadu, aggrancidu, araganzatu, assuriu, astrintone, ingurdone, limidu, sumidu 1, tingiosu, tzecosu / pedhitzoni | ctr. dadivosu, manibrenu, manilalgu Frases sa giustítzia dhus abbruxit, a cussus susuncus: prus ndi tenint e prus pagu ndi donant! ◊ su meri susuncu no dh'iat mai cumbidau a domu ni a prandi e ni a cena ◊ gherrat po sa paxi e contr'a su susuncu isfrutadori ◊ nonna est de coru bonu, invècias nonnu est unu pagu susuncu Terminologia iscientìfica ntl Ètimu srd. Tradutziones Frantzesu avare Ingresu stingy, niggard Ispagnolu avaro Italianu avaro Tedescu geizig.

tingiósu , agt: tinzosu Definitzione chi est càrrigu de tíngia; nau de ccn., chi est càrrigu de dépidos, chi est arrestigu, de manu istrinta, pòberu Sinònimos e contràrios becosu, runzosu / aggantzadu, coghedhu, limidu, susuncu Frases est unu cane tinzosu 2. chini est gelosu morit tingiosu ◊ po si preni is busciacas issu a su fradi dhu torrat tingiosu! Ètimu ltn. tineosus Tradutziones Frantzesu teigneux Ingresu affected with ringworm, stingy Ispagnolu tiñoso Italianu tignóso Tedescu grindig.