Legenda Incurtzaduras | Legenda Sìmbulos

àncu , nm Definitzione genia de idea chi si pentzat o chi si agatat de malu in is cosas e fatos, dificurtade, cosa in contràriu fintzes chentza ndh’èssere seguros Sinònimos e contràrios dúbbiu, strobbu Maneras de nàrrere csn: pònnere a. = pessare in su malu, pònnere dúbbiu; àere a. cun ccn. = èssiri oféndiu, a primma cun ccn., tenni ccn. cosa contr'a unu; dare a. = donai sa possibbilidadi; èssere in a. = in pentzus, sentz'e ischire su de fàghere; lassare a ccn. in a. = in su dúbbiu Frases bi at àpidu un'ancu e at reusadu s'abboju ◊ si no apo ancu già benzo ◊ tue no ischis s'acabbu de su contu e no cumprendhes si s'ancu est bellu o feu ◊ chi vivant cuntentos fin'a chent'annos chen'ancu perunu! 2. at dadu su labiolu a su raminaju chentza pònnere ancu chi bi ndhe lu fit lendhe pro no bi lu torrare ◊ a su giustu no bi ponzas ancu! ◊ in custas friguras chi faghes tue bido e bei osservo un'ancu: eris parias pro me e oe no ti ndhe incuras! ◊ si de telarzu tratere, zuro, e no bi ponzo ancu, chi no ischis nemmancu s'ala de ti dever sere! (Limbudu) 3. at ancu cun su tiu pro cosa de peràulas ◊ tra frades bi at ancu pro sa partimenta ◊ già si faedhant, maberò bi est restadu s'ancu 4. si li daent ancu già lu faghet ◊ bastat un'ancu pro no si acatare de te mancu sos ossos Ètimu itl. anco Tradutziones Frantzesu soupçon Ingresu suspect Ispagnolu sospecha, recelo Italianu sospètto Tedescu Verdacht.

busudhàre , vrb Definitzione nàrrere o foedhare de calecuna cosa pentzandho in su malu Sinònimos e contràrios assumbrire, malissare, sudhare Frases sa cosa est picandhe prétziu: sa zente est busudhandhe chi sa neche est de su dòllaru ◊ sa zente busudhat chi cussa súrbile s'est aposentada in su palatu de dommo cumonale ◊ sos carabbineris li sunt compudandhe su locu e sa zente est busudhandhe contu de ricatos Ètimu srd. Tradutziones Frantzesu soupçonner, douter Ingresu to suspect Ispagnolu sospechar Italianu sospettare Tedescu verdächtigen.

indennentài , vrb: intennantai Definitzione cumprèndhere una cosa chi no si est inténdhia bene, chi si est inténdhia a suspos, o fintzes innanti chi s'àteru si siat fatu a cumprèndhere, leare cabu, leare oru de calecuna cosa chi no s'ischit Sinònimos e contràrios assaborire, scasumai, scasumiri Tradutziones Frantzesu subodorer Ingresu to suspect Ispagnolu sospechar Italianu subodorare Tedescu ahnen.

malissàre , vrb: malitziai, malitziare Definitzione pentzare male, suspetare de calecunu o de calecuna cosa, pentzare in su malu Sinònimos e contràrios busudhare, sudhare Frases mi at mortu tres anzones in pagas dies e addaghi apo malitziadu apo tzirriadu su veterinàriu (Z.Porcu) Tradutziones Frantzesu soupçonner Ingresu to suspect Ispagnolu maliciarse, sospechar Italianu sospettare Tedescu verdächtigen.

reselài, reselàre , vrb: arreselai, retzelare, rezelai, rezelare Definitzione su no giare fide, su àere bendha o duda coment'e timendho puru Sinònimos e contràrios suspetai | ctr. cunfiai, fidai Frases bessestis a predicai sentza timi o rezelai s'imperadori Ètimu spn. rezelar Tradutziones Frantzesu craindre, soupçonner Ingresu to suspect Ispagnolu recelar Italianu sospettare, temére Tedescu argwöhnen.

«« Torra a chircare