Ditzionàriu in línia
de sa limba e de sa cultura sarda

acidúmini , nm: aghedúmene, axedumi, axedúmini Definitzione sabore aghedu, su èssere aghedu, fintzes fragu de cosa agheda, guasta Sinònimos e contràrios acidesa, acriore, acriúria, agrúmine, agrura, axedore / ammadricadura, axedadura, axedamentu Frases at aspetau chi sa pasta fessit a su puntu giustu de axedúmini ◊ conta su tempus chi cheret po s'aghedúmene po fàere su pane! Terminologia iscientìfica sbr Ètimu srd. Tradutziones Frantzesu acidité Ingresu sourness Ispagnolu acidez Italianu acidità Tedescu Säure.

acriòre , nm: agriore, agrore, agrori, arghiore, argori Definitzione genia de abbruxore chi s'intendhet in s'istògomo, coment'e de cosa agheda; genia de tzacu, de arrennegu, manera pagu delicada in su fàere, in su foedhare Sinònimos e contràrios achedore, acidesa, acidúmini, acriúria, agrura, atzidore Terminologia iscientìfica mld Ètimu srd. Tradutziones Frantzesu acidose Ingresu acidosis Ispagnolu acidez, acedía Italianu acidità, acidòsi Tedescu Sodbrennen.

agrúra , nf: argura Definitzione su èssere aghedu, nau de cosas de papare o de bufare; su sentire o portare aghedore; in cobertantza, manera de fàere iscontriosa, chi no praghet Sinònimos e contràrios acidesa, acidúmini, acriore, acriúria 2. pérdida sa sólita agrura, si dispidesit impresse Ètimu srd. Tradutziones Frantzesu acidité, aigreur Ingresu acidity Ispagnolu agrura, acidez Italianu acidità, agrézza Tedescu Säure.

coràssidu, coràssiu, coràssili, coràssu , nm: coràtzidu Definitzione iscancamentu de coro; abbruxore o agriore de istògomo, imbarratzu de istògomo po cosa mala a digirire; a logos, fintzes apentu mannu, sentidu Sinònimos e contràrios colàrdine, coràrghidu, fogóriu Frases est mortu de coràssiu ◊ de sa tristesa, dugna noti mi pigat su coràssiu ◊ fiat tussendi pariat chi teniat coràssiu 2. tengu su coràssiu a s'istògumu ◊ cussu a papai no dhu bollu ca mi pigat su coràssiu a s'istògumu ◊ chi bufu binu papendi castàngia mi fait a coràssiu Terminologia iscientìfica mld Ètimu srd. Tradutziones Frantzesu brûlure d'estomac Ingresu heartburn Ispagnolu ardor, acidez de estómago Italianu piròsi gàstrica, brucióre di stòmaco Tedescu Sodbrennen.