Legenda Incurtzaduras | Legenda Sìmbulos

civèra , nf: sivera, tzivera Definitzione genia de létia de is mastos de muru (e picaperderis) po portare o carrugiare perda o àteru chi dhis serbit trebballandho, o fintzes una genia de càscia de pònnere in su carru Terminologia iscientìfica stz Ètimu ctl. civera Tradutziones Frantzesu civière Ingresu handbarrow Ispagnolu angarillas de albañil Italianu sòrta di barèlla per materiali Tedescu Trage.

fraigamúru , nm Definitzione maistu chi faet muros pruschetotu po domo, muros fraigaos Sinònimos e contràrios muradore / ttrs. frabigamuru Frases sos fraigamuros faghent sas domos ◊ sos fraigamuros fint bénnidos a fiotu dae tzitade pro fàghere sa chéjia noa e pesare su palatu de su letore Terminologia iscientìfica prf Ètimu srd. Tradutziones Frantzesu maçon Ingresu mason Ispagnolu albañil Italianu muratóre Tedescu Maurer.

léntzu , nm Definitzione orrugu de lentza cun su prumu po averguare si una cosa (mescamente su muru chi si fràigat) est bene prantau in verticale (a prumu) Sinònimos e contràrios aprumadori, peumu Maneras de nàrrere csn: pònniri a l. = pònnere o fàghere ritzu; essiri de l. = essire a un'imboe, betadu a un'ala, coment'e ruindhe Frases custu muru no est a lentzu Sambenados e Provèrbios smb: Lenzu Tradutziones Frantzesu fil à plomb Ingresu plumb line Ispagnolu plomada, nivel de albañil Italianu filo a piómbo Tedescu Lot, Senkblei.

livéllu , nm Definitzione genia de aina (unu parallelepípedu de unu mesu metro a setzione pitica) po averguare si una cosa est bene in paris: est unu tubbighedhu de imbidru (incasciau in d-unu parallelepípedu) cun duas intacas, prenu de abba cun d-una bubburuca de ària chi segundu comente si ponet, in mesu giusta, o prus a una bandha o a s'àtera, inditat si s'aina etotu e su logu o sa cosa ue si ponet in pitzu funt bene in paris o si pendhent a una parte (o a prumu, ponendhodhu in verticale e averguandho su tubbighedhu postu in su latu prus piticu) / passazu a l. = tretu inue istrada e ferrovia si rugant apare in su matessi paris Sinònimos e contràrios nivellu Terminologia iscientìfica ans Tradutziones Frantzesu niveau Ingresu level Ispagnolu nivel de albañil Italianu livèlla Tedescu Wasserwaage.

«« Torra a chircare