Legenda Incurtzaduras | Legenda Sìmbulos

carramacína , nf: carramatzina, corromatzina, corrumatzina Definitzione trastos chi leant logu e giaent istrobbu in debbadas, mescamente cosas bècias Sinònimos e contràrios bagazu, baldulete, barragàllia, bascaràmene, cadógiu, carrabaza, imbaratzu, istivuzu, istrèpete, istrepu, sténtzias, tzitzirillodhu Frases is carramatzinas bècias fuliancedhas! ◊ no mi ndhe fato nudha de custas carramatzinas: leadichelas!◊ est unu furrungoni prenu de carramatzinas bècias ma prenas de arregordus! Tradutziones Frantzesu fourbi Ingresu odds and ends Ispagnolu baratija Italianu carabàttola, cianfrusàglia Tedescu Plunder.

catzavusàlla , nf Definitzione cositedha de pagu contu, de fuliare Sinònimos e contràrios baldulete, barragàllia, bascaràmene, bimbiria, bribbilitu, cadógiu, carrabaza, imbaratzu, tzitzirillodhu Tradutziones Frantzesu fanfreluche Ingresu trifle Ispagnolu baratija Italianu cianfrusàglia Tedescu Plunder.

chincallería , nf Definitzione cosighedhas piticas, mescamente a bèndhere Sinònimos e contràrios minudàntzia Tradutziones Frantzesu bimbeloterie Ingresu knick-knacks Ispagnolu baratija Italianu chincaglierìa Tedescu Plunder.

cianfàina , nf: cianfània Definitzione cosa chi no serbit a nudha, cosighedha de perunu contu Sinònimos e contràrios bascaràmene, berrumballa Ètimu spn. chanfaina Tradutziones Frantzesu vieillerie, friperie Ingresu trash Ispagnolu baratija Italianu ciarpame Tedescu Plunder.

frusulía , nf Definitzione linnighedha fine sicada; cosighedha de pagu giudu Sinònimos e contràrios abbruncu, chercuzu, chimuza, frascuza, ischimuza, mulixia, pampuzia, pimpisa / allajolu, catzavusalla 2. si no possedis vena, su chi cantas est totu frusulia Ètimu srdn. Tradutziones Frantzesu rameaux secs, fanfreluche Ingresu dry twigs, trifle Ispagnolu chasca, baratija Italianu ramétti sécchi, cianfrusàglia Tedescu Reisig, Kram.

pispisàlla , nf: pispisaza, puspusalla Definitzione orrughedhos finedhedhos, farinos, cosighedha de pagu contu, fintzes coígios, un'apenas de cosa Sinònimos e contràrios pimpirida, pispisa Frases is crapitas funt brutas de sa pispisalla de su pruini ◊ a ógnia sàntziu de carru ndi arruit de sa cerda sa pispisalla de su fenu ◊ si tocat a iscucullai sa pispisalla e is pimpirinas ◊ si bint is pispisallas luxentis de sa bia de sa palla Ètimu srd. Tradutziones Frantzesu bribes Ingresu bit and pieces Ispagnolu baratija Italianu minuzzàglia Tedescu Kram.

«« Torra a chircare