Legenda Incurtzaduras | Legenda Sìmbulos

colimínzu , nm: colominzu, columinzu, culiminzu, culuminzu Definitzione su puntu prus artu de su barracu, de sa teulada, ischinale de teulada (a logos fintzes sa biga de s'ischinale); sa essia de su fumu de sa forredha, in sa teulada Sinònimos e contràrios cucumenale, pinnacúcia, pópula, sima / fomajou Frases sos columinzos sighiant a rupiare fumu atoscadu 2. fumat dae su columinzu su foghile Terminologia iscientìfica dmo Ètimu ltn. *culmineum Tradutziones Frantzesu cheminée, faîte (de toîture) Ingresu chimneypot Ispagnolu chimenea Italianu comìgnolo Tedescu Schornstein.

cucumenàle , nm: cugumale, cugumalu, cugumenale Definitzione su puntu prus artu de unu barracu o fintzes de sa teulada, ischinale de teulada Sinònimos e contràrios coliminzu, coromalu, pinnacúcia, pópula Frases dae su cucumenale essint sas pupadas de su fumu pintandhe in sas copertas premedias camineras ◊ como chi sos cugumenales no dant sinnales de vida sas domos parent un'àtera cosa Terminologia iscientìfica dmo Tradutziones Frantzesu faîte de toiture Ingresu chimneypot Ispagnolu chimenea Italianu comìgnolo Tedescu Schornstein.

fomajóu , nm: fumagiolu, fumajolu, fumaolu, fumazolu, fumiajolu, fumiazolu, fummagiolu, fummajolu Definitzione cundhutu chi artzat a in artu fatu po che fàere essire su fumu de ue si dhue abbruxat cosa (es. sa forredha o foghile, istufa) Frases su fumajolu si prenat de fumàdigu ◊ su forru murigadhu, ma no dhi pòngias su fomajou ca podit ispomporai ◊ in su fumazolu no si bidiat filu de fumu essindhe Terminologia iscientìfica dmo Ètimu itl. Tradutziones Frantzesu cheminée Ingresu chimneypot Ispagnolu chimenea (f) Italianu fumaiòlo, camino Tedescu Schornstein.

geminèra , nf: ceminera, giaminera, giminera, giominera, giuminera, zaminera* Definitzione in sa domo, genia de buidu fraigau po dhue fàere su fogu, prus che àteru in d-unu cugigone de sa coghina / sa giminera giughet coment'e duos antariles (pedelitos), unu fronte, sa capa, su fumajolu; sa giminera de sa pipa = sa parte de sa pipa chi si prenat de trintzadu e si atzendhet Sinònimos e contràrios forredha Frases como no v'est ciús sa giminera po ti cajentare ◊ in sa giaminera furint coendho una sartàina de castàngia ◊ sos meos fint totu riunios a inghíriu de sa giominera Terminologia iscientìfica dmo Tradutziones Frantzesu cheminée Ingresu fireplace Ispagnolu chimenea Italianu caminétto Tedescu Kamin.

tiravúmmu , nm Definitzione genia de tubbu o canna larga meda (cannone) po ch'essire o bogare su fumu de ue si faet su fogu Sinònimos e contràrios fumajolu Frases is zumineras de is domus portant su tiravummu Ètimu srd. Tradutziones Frantzesu conduit de fumée Ingresu flue Ispagnolu cañón de chimenea Italianu canna fumària Tedescu Rauchfang.

zaminèra, zamminèra , nf: ceminera, geminera, ziminea, ziminera, tzeminea, zuminera Definitzione in sa domo, cumbénia fata adata po dhue fàere su fogu asuta, prus che àteru in d-unu cugigone de sa coghina / sa geminera portat coment'e duos antariles, unu fronte, sa capa o cugudhu, su fumajolu Sinònimos e contràrios forredha Frases seus càrigas a sa ziminera e fogu no ndi at! ◊ fit una ziminera manna pariat unu monumentu ◊ sa ziminera tirat bene, torrat fumu, iscudet calore Terminologia iscientìfica dmo Ètimu itl. ciminera Tradutziones Frantzesu cheminée Ingresu fireplace Ispagnolu chimenea Italianu caminétto Tedescu Feuerstätte.

«« Torra a chircare