Ditzionàriu in línia
de sa limba e de sa cultura sarda

assopiài , vrb: atzopiai, atzopigare, tzopiai Definitzione andhare a tzopu, fàere a tzopu; èssere difetosu, bogare difetos Sinònimos e contràrios topiligare, tzancarrare, tzanchitai / aprapiai, atopigare, intopare, intopire, irtopiligare Frases po tanti chi est cosa de papai e bufai, dhu bit beniu mancai atzópia atzópia!…◊ seu atzopiendi ca m'increscit unu pei 2. in cuss’arti atzopiamu e apu cambiau trabballu 3. sa pudheca non dh'apu prus bia si currit ancora o est atzopiara Ètimu srd. Tradutziones Frantzesu rendre boiteux, boiter Ingresu to limp Ispagnolu dejar cojo, cojear Italianu azzoppare, zoppicare Tedescu lahm werden, hinken.

atzopiatzópia , avb Definitzione manera de camminare de chie est tzopu (su pei malu dhu ponet prus pagu, ponendho impresse s’àteru) Sinònimos e contràrios ciopiciopi, topigatópiga Ètimu srd. Tradutziones Frantzesu boiteux Ingresu limping Ispagnolu cojo Italianu claudicante Tedescu hinkend.

bisàncu , agt Definitzione chi tenet male a sa camba, a is cambas Sinònimos e contràrios bisancau, ciopu, iscianchiu Ètimu srd. Tradutziones Frantzesu bancal, bancroche Ingresu lame Ispagnolu cojo Italianu sciancato Tedescu hüftlahm.

ciopiciópi , avb: topitopi*, tzopitzopi Definitzione manera de camminare de chie est tzopu Sinònimos e contràrios atzopiatzópia, topigatópiga / ttrs. tzambigatzàmbiga Tradutziones Frantzesu boiteux Ingresu limping Ispagnolu cojo Italianu zoppicante Tedescu lahmend.

ciópu , agt, nm: issopu, sopu, topu, tzopu* Definitzione chi o chie camminat coment'e tenendho dolore a sa camba o a su pei, siat po dannu o fintzes po neghe de naschia Sinònimos e contràrios bisancu Frases po fai su prexei a su bixinu, poita est ciopu a unu pei, dèu aberru e serru su cancellu candu passat sa màchina ◊ cussus duus mi parenta Pepi ciurpu e su cani ciopu! Tradutziones Frantzesu boiteux Ingresu lame Ispagnolu cojo Italianu zòppo Tedescu lahm, Hinkende.

irtopiligàre , vrb Definitzione fàere a tzopu Sinònimos e contràrios assopiai, atopigare, atopire, intopare, intopigare, intopire Ètimu srd. Tradutziones Frantzesu rendre boiteux Ingresu to lame Ispagnolu dejar cojo Italianu azzoppare Tedescu Lahm machen.

parangàu , pps, agt Definitzione de parangai; chi est trotu, incrubau coment'e orruendho a una parte Sinònimos e contràrios calembru, chérciu, incruau, tombiu | ctr. deretu 2. est totu parangau ◊ est una feminedha bècia iscorrobeciada, parangada apitzus de unu baculedhu Tradutziones Frantzesu boiteux, bancal Ingresu crooked Ispagnolu cojo, inclinado Italianu sbilènco Tedescu schief.

topigatópiga , avb Definitzione sa manera de camminare de chie est tzopu / èssere, andhare t. = coment'e unu tzopu, a topu Sinònimos e contràrios atzopiatzópia, ciopiciopi Frases medas sunt mortos e de sos bios bi ndh'at medas topigatópiga Ètimu srd. Tradutziones Frantzesu boiteux Ingresu limping Ispagnolu cojo Italianu zoppicante Tedescu hinkend.

topitópi , avb: ciopiciopi, tzopitzopi Definitzione manera de camminare de chie est tzopu / andhare o èssere t. = tzopiare Sinònimos e contràrios atzopiatzópia, topigatópiga / ttrs. tzambigatzàmbiga Frases fit illumbadu de una ruta mala chi aiat fatu e caminaiat topitopi Ètimu srd. Tradutziones Frantzesu boiteux Ingresu lame Ispagnolu cojo Italianu zoppicante Tedescu hinkend.

tópu , agt, nm: (su t. = sutópu) ciopu issopu, sopu, tzopu* Definitzione chi o chie camminat coment'e dolendhodhi una camba o pei, siat po male chi tenet o at tentu, po maladia (es. poliomielite) Sinònimos e contràrios bisancu Maneras de nàrrere csn: andhare o caminare a topu = atzopiai; topu moltale = topu deretu Frases ca est topu s'at leadu arte lébia a triballare 2. s'iscarpa istrinta, mischina, la faghet andhare a topu! Sambenados e Provèrbios prb: a su topu s'ispina Tradutziones Frantzesu boiteux Ingresu lame (person) Ispagnolu cojo Italianu zòppo Tedescu hinkend.

tzancànu , agt, nm: ciancanu* Definitzione chi o chie andhat a tzopu po is dolores Sinònimos e contràrios iscianchiu, tzanchinu, tzancute Frases tzancanos, betzos e iscadrudhados che passades totugantos che cosa lica, como chi in bidha no che at zòvanos! Tradutziones Frantzesu bancal Ingresu lame, cripple Ispagnolu cojo, derrengado Italianu sciancato Tedescu hüftlahm, Hüftlame.

tzópu , agt, nm: ciopu, issopu, sopu, topu Definitzione chi o chie tenet difetu de andhadura, camminat coment'e faendhodhi male una camba o unu pei, siat po dolore chi portat o dannu chi at tentu, e camminandho s'incrubat de prus a una parte Sinònimos e contràrios bisancu Maneras de nàrrere csn: camminai a pei tzopu = andhare a unu pè, a pincaredhu; mincídiu tzopu = fàula romasa, chi si connoschet dereta; versu tzopu = prus curtzu, chi bi mancat carchi síllabba; annare a tzopedhu = a topu Frases est benendi un'ominedhu mesu tzopu ◊ pacu bene meu: fipo tzopu, isarchilatu! ◊ Tzilipu l'imbidiaiat sa balentia de ballatore, macari tzopu a unu pede Tradutziones Frantzesu boiteux Ingresu limping (person) Ispagnolu cojo Italianu zòppo Tedescu hinkend, Hinkende.