Ditzionàriu in línia
de sa limba e de sa cultura sarda

abbéllu , avb: abbellabbellu, abbelledhedhu Definitzione a bellu: nau sèmpere de sa manera de fàere sa cosa, podet bòllere nàrrere sentza de sàdhidos, sentza de iscútulos, sentza de si fàere intèndere, a boghe bàscia, sentza de fàere tropu fortza, a pagu a pagu (fintzes de unu tanti), a sàgamu a sàgamu, sentza de presse o airu / ist'abbellu si… = abarra abbellu si…, bieus immoi si…, ista a bídere si… Sinònimos e contràrios adàsiu, allentu, allenu 1, apianu, mighirimíghiri, piotibioti, sagamusàgamu Frases mòedi abbellu no ti che ruat totu a terra ◊ bai abbellu po coitai! ◊ sa navi si moviat abbellu ◊ mancari abbellu, su tempus fit colandhe ◊ ist'abbellu si como ti ndhe impipas, cun sa 'meighina' chi ti faghimus! 2. sa frebbe abbellu abbellu mi che l'est mandhighendhe! Ètimu srd. Tradutziones Frantzesu lentement Ingresu slowly Ispagnolu despacio Italianu lentaménte, pian piano Tedescu langsam, leis.

addàju , avb, nm: addàsiu Definitzione (narant fintzes adhaju) chentza presse; abbitúdine, manera de fàere is cosas chentza presse Sinònimos e contràrios abbellu / apódhiu, dasiore, immajonu Frases su massaju recuit istracu, addaju addaju 2. fai sa faina cun addàsiu Sambenados e Provèrbios prb: chini errat po pressi si pentit bèni addàsiu Ètimu itl. Tradutziones Frantzesu lentement Ingresu slowly Ispagnolu despacio Italianu adàgio Tedescu langsam.

alléntu , avb Definitzione chentza presse, in manera pàsida Sinònimos e contràrios abbellu, allente, allenu 1 | ctr. impresse Ètimu srd. Tradutziones Frantzesu lentement Ingresu slowly Ispagnolu despacio Italianu lentaménte Tedescu langsam.

allénu 1 , avb Definitzione chentza presse, in manera pàsida Sinònimos e contràrios abbellu, allentu | ctr. impresse Frases andhade allenu cun sas màchinas! ◊ a úrtimos de nadale sas dies allenu allenu comintzant a illongare Ètimu srd. Tradutziones Frantzesu lentement Ingresu slowly Ispagnolu despacio Italianu lentaménte Tedescu langsam.

asiàsiu , avb Definitzione cun àsiu, chentza presse Sinònimos e contràrios abbellu, addàsiu | ctr. debressi Frases sa giustítzia fait che su priogu, andat asiàsiu e aundi si abarrat ndi tirat s'arrogu Ètimu srd. Tradutziones Frantzesu lentement Ingresu slowly Ispagnolu despacio Italianu lentaménte Tedescu langsam.

chessighéssi , avb: chetzighetzi Definitzione manera de andhare o fintzes de si parare o istare (a sa muda, citios) Frases si ndi funt torraus a andai chetzighetzi ◊ ca gei torrat, chetzighetzi! Ètimu srd. Tradutziones Frantzesu tout tranquillement, penaud Ingresu very slowly Ispagnolu despacio Italianu lèmme lèmme, mògio Tedescu langsam, schlapp.

conigóni , avb Definitzione nau de sa manera de betare unu lícuidu de un'istrégiu, a iscolomadura, abbellu a manera de no intrullare sa cosa e de lassare su fundhurúgiu Tradutziones Frantzesu doucement, lentement Ingresu slowly Ispagnolu despacio Italianu adàgio, sènza scòsse, piano Tedescu langsam.

sagamusàgamu , avb Sinònimos e contràrios abbellu, adàsiu, allentu, allenu 1, apianu, mighirimíghiri, piotibioti Tradutziones Frantzesu lentement, doucement Ingresu slowly Ispagnolu despacio Italianu lentaménte, pian piano Tedescu langsam.