Ditzionàriu in línia
de sa limba e de sa cultura sarda

irbírgu , nm: irvirgu Definitzione cosa chi si faet unu pagu a ingéniu e a ingannu, a bisura de iscusa / imbentare, bocare irbirgos = bogare iscusas Sinònimos e contràrios estremagiogu, imbentu, ispediente, trastamèngia, troca Frases carchi irbirgu tocat puru de bocare pro campare ◊ sos ricos irfundhaos no ischint s'irbirgu de bocare ◊ sa sorte bocat irbirgos de cada zenia ◊ ant bocau a campu milli irbirgos pro rèndhere sa bida prus a códomu ◊ su traballu de s'onorèvole fit fàtzile: bastabat de bocare s'irbirgu de si mantènnere sa cadira ◊ l'at collonau chin d-un'irbirgu ◊ at contau sa beridade ca no podiat imbentare carchi irbirgu Tradutziones Frantzesu stratagème, subterfuge, expédient Ingresu stratagem Ispagnolu escapatoria Italianu stratagèmma, sotterfùgio, espediènte Tedescu List, Kniff.

iscampadórju , nm: scampatóriu Definitzione genia de arreghèscia o de manígiu po s'iscabbúllere de ccn. cosa Sinònimos e contràrios scapadóriu Tradutziones Frantzesu échappatoire Ingresu loophole Ispagnolu escapatoria Italianu scappatóia Tedescu Ausweg.

iscapatóriu , nm Definitzione médiu de si sarbare, de s'iscabbúllere de calecuna cosa Tradutziones Frantzesu salut, issue Ingresu escape Ispagnolu escapatoria Italianu scampo Tedescu Heil.

scapadóriu , nm Definitzione genia de arreghèscia o de manígiu po s'iscabbúllere de ccn. cosa Sinònimos e contràrios inghénia, iscampadorju Tradutziones Frantzesu subterfuge Ingresu subterfuge Ispagnolu escapatoria Italianu sotterfùgio Tedescu Ausrede, Kniff.