Ditzionàriu in línia
de sa limba e de sa cultura sarda

carràschiu , nm: carràsciu, carrascu Definitzione isprugadura de is bruncos, genia de mucu arrasigau in su gúturu, o a parte de apalas de su nasu, chi si faet a ispudadura Sinònimos e contràrios carràlciu, grospe, grúspidu, iscaràsciu, istarràsciu, lallaja, larodhu, salchedha, scupidura, seca, spudu, tòllere, urruspu Frases a murru a chelu, abbeveladu e pistu, su matzone ch'ingullit su carràsciu (P.Casu)◊ est essidu a fora a nareju ispurgàndhesi s'orguzu a carràschios Ètimu srd. Tradutziones Frantzesu graillon (vulg.) Ingresu to spit Ispagnolu gargajo, flema Italianu scaràcchio Tedescu Schleim.

istarràsciu , nm: sdarràsciu Sinònimos e contràrios carràschiu, grúspidu, iscaràsciu, larodhu, salchedha, scupidura, seca, spudu, tòllere Frases su minadori, béciu, est tussendi a istarràscius Ètimu srd. Tradutziones Frantzesu graillon, crachat Ingresu spit Ispagnolu gargajo Italianu scaràcchio Tedescu Schleim.

laródhu , nm: lorodhu Definitzione candhela de mucu, mucu chi si faet a ispudadura; cosa ischifosa de fuliare; su istare tropu abbellu in is cosas Sinònimos e contràrios allorodhu, carràschiu, grúspidu, istarràsciu, lallaja, norodhu, salchedha, scupidura, seca, spudu, tòllere / apódhiu, immajonu, laredha Frases onzi tantu lu ruspint a lorodhu ◊ ghetamí mucu ca ti ghetu larodhu! ◊ no tenes unu sodhu e chircas muzere? ma faghe su piaghere e fróbbidi su lorodhu! ◊ su pitzinnu est cun su lorodhu calandhe 2. isputzit su faedhu ’e sos ajajos e leat bona iscola de lorodhos anzenos e ammajos (P.Casu)◊ e cantos ciaramedhos cunfidados in annos de fainas tra amigos disizosos de lorodhos!… Ètimu srd. Tradutziones Frantzesu crachat Ingresu snot, spittle Ispagnolu escupitajo, gargajo Italianu móccio, sputàcchio Tedescu Nasenschleim, Rotz.

sèca , nf: serca Definitzione larodhu, genia de mucu chi si faet a ispudadura Sinònimos e contràrios carràschiu, grúspidu, iscaràsciu, lallaja, larodhu, merca, peca, salchedha, scupidura, spudu, treca 1 Ètimu srd. Tradutziones Frantzesu graillon, crachat Ingresu spit Ispagnolu gargajo Italianu scaràcchio, sputàcchio Tedescu Schleim.