Ditzionàriu in línia
de sa limba e de sa cultura sarda

cúmburu , nm: cúmeru, cúmmeru, cúrumu Definitzione a parte de pitzu de is còscias de su burricu, de su cuadhu, de su boe, su tretu comente acabbat s'ischina: si narat prus che àteru foedhandho de animales, ma calecuna borta fintzes de gente; parte de asegus de su fosile Sinònimos e contràrios arrigali, illumbu, nàdia / cdh. cúmmaru, ttrs. cúmaru / cuàrtziga Maneras de nàrrere csn: pònnere cúrumos = ingrassai; su cúmburu de su forru = sa parte de subra, tundha, a parte de fora; èssi cúmburu apari = (corcados) a palas furriadas, cúmeros cun cúmeros Frases in cúmmeros pesat a sonare sa trumba sua cun sonu chi soliat… insurdare! (A.Serra)◊ bella baca: cúmeros bellos, un'ischina lada! ◊ su cani si est postu a cúmburu a terra ◊ nci fiant arrutas totu is duas a cúmburu a susu ◊ sos catziadores fint acantu a li giòmpere a cúrumos a sa fera 2. a ndhe at postu de cúrumos de candho ch'est intradu in cussa famíllia! 3. est unu fusile cun su cúrumu a fàcia umana Terminologia iscientìfica crn Tradutziones Frantzesu lombes, fesse Ingresu buttock Ispagnolu lomo, nalga Italianu lómbo, nàtica Tedescu Lende, Hinterbacke.

ispínu , nm: spinu Definitzione ischina de procu, sa petza de s'ischina (ambidhiola) impare cun is ossos (segada a orrugos po ndhe giare a parentes o bighinos) Frases candho uchidiant su mannale secavant sos ispinos de dare a sos parentes e amicos ◊ mandhaiant sos pitzinnos a giúghere sos ispinos a parentes o famílias amigas Ètimu ltn. spinus Tradutziones Frantzesu carré de porc Ingresu saddle of pork Ispagnolu lomo de cerdo asado Italianu àrista Tedescu Schweinsrücken.

lúmbru, lúmbu , nm: illumbu, lummu Definitzione su tretu de sa carena in cúmeros / su balladore de su l. (itl. tèsta del fèmore)= sa conca de s'ossu de sa cossa ue intrat in s'ossu de su lumbu, o fintzas sa calanca de custu Sinònimos e contràrios arrigali, cúmburu Frases ca sunt tropu ismesurados de s'àinu sos atzumbos, a dólima de lumbos medas che torrant a domo Terminologia iscientìfica crn Ètimu ltn. lumbus Tradutziones Frantzesu lombes Ingresu loin Ispagnolu lomo, cadera Italianu lómbo Tedescu Lende.