Legenda Incurtzaduras | Legenda Sìmbulos

aíssu , nm: aito, aitu Definitzione su frore de su lidone / mele de aitu = mele ranchitzu, marigosu, su chi s'abe faghet de su fiore de su lidone Sinònimos e contràrios eritzàmene pruma 1 Terminologia iscientìfica rbr Ètimu srdn. Tradutziones Frantzesu fleur d'arbousier Ingresu the flower of the strawberry-tree Ispagnolu flor del madroño Italianu fiore del corbézzolo Tedescu Blume des Erdbeerbaums.

ghilidòne , nm: ghilisone, ghilisoni Definitzione sa melighedha chi faet su lidone Sinònimos e contràrios alidone, meladidone, memeledhu, mendhilicotu, pègora 1 Frases medas pillochedhus si faint aciapai in su lobu bichendu ghilisonis o bremis o seminedhus (G.Moi)◊ dónnia dí portàt is crabas a pàsciri acantu podiant papai ghilisone Ètimu srdn. Tradutziones Frantzesu arbouse Ingresu arbutus berry Ispagnolu madroño Italianu corbézzola Tedescu Frucht des Erdbeerbaumes.

lidòne , nm: alidone, lidrone, lione, lioni 1 Definitzione genia de mata, no tanti manna, chi faet unu frutu (upm) che una cheréssia ma prus tundhu, orrúbiu candho est cotu (in atóngiu) e totu puntighedhas a parte de fora Frases traessendhe sos rujos pianos e sos buscos de inteltzu e lidone (A.Casula)◊ is piciochedhos funt arregollendu bobbolledhas de lione Terminologia iscientìfica mt, Arbutus unedo Ètimu ltn. unedone(m) Tradutziones Frantzesu arbousier, busserole Ingresu arbutus berry Ispagnolu madroño Italianu corbézzolo Tedescu Erdbeerbaum.

meladidòne , nf, nm: melalidone, melalione, melaulidone, meluchidone, meludidone, melulidone, meraridoni, merarioni, merulidone, meurioni Definitzione sa mela, melighedha, de su lidone, e fintzes sa mata etotu / inchesu che su meladidone (nau de ccn)= cun sa cara orrúbia che fogu Sinònimos e contràrios alidone, baca 1, billella 2, bilisone, chelleisone, ghilidone, lasarione, lisone, memeledhu, mendhilicotu Frases portat is trempas arrúbias che unu merarioni ◊ sa pitzinna est chin sa cara ruja che meladidone 2. fit inamoradu de s'ària de su monte, de sos buscos de meluchidone e de iscoba Ètimu srd. Tradutziones Frantzesu arbouse Ingresu arbutus berry Ispagnolu madroño Italianu àlbatra, corbézzola Tedescu Frucht des Erdbeerbaumes.

obiòni , nm: alidone, illione, lidone, olidone, olidoni, olione, olioni, orioni, ulioni Definitzione genia de mata, no tanti manna, chi faet unu frutu (upm) prus matucu de una cheréssia, orrúbiu candho est cotu (acabbandho s'atóngiu) e totu arrasposu, coment'e a granighedhos a parte de fora Sinònimos e contràrios onioni Frases su meli de s'olioni est marigosu meda, est achina! ◊ segat chessa, mudeju e olidone, curret, brincat pedra e ispina 2. s'olioni dhu faint a marmellata Terminologia iscientìfica mt, Arbutus unedo Ètimu ltn. unedo, -one Tradutziones Frantzesu arbousier Ingresu arbutus Ispagnolu madroño Italianu corbézzolo Tedescu Erdbeerbaum.

«« Torra a chircare