Ditzionàriu in línia
de sa limba e de sa cultura sarda

malacreméntzia, malacriméntzia , nf Definitzione malu incrinu, cumportamentu malu Sinònimos e contràrios maldade, malesa, malinnidade Frases custus piciochedhus tenint dogna malacriméntzia ◊ si una persona dhi naràt fuedhu malu o dhi fadiat malacreméntzia, issu no dha biriat e no dh'intendiat Tradutziones Frantzesu méchanceté Ingresu wickedness Ispagnolu maldad Italianu cattivèria Tedescu Bosheit.

maldàde, maldàdi , nf: maledade, maledari, malidade, malidadi Definitzione su èssere malos de sentidos e de òperas; òperas malas, su male chi si faet a s'àteru po ódiu; a logos est fintzes sa matéria chi si faet in d-una liaga / pònnere maledade in carchi cosa = pentzare in su malu Sinònimos e contràrios malacreméntzia, malesa, malinnidade / martzidura | ctr. bonesa Frases e cales vinditas podent ispínghere a tanta maledade de armare sa manu a sos mortores? ◊ unu fit ricu de tancas e palatos, ma de sa malidade chi teniat no li apuntaiat mancu batos! ◊ torrat su rei e is connadas dhi contant totu is maledaris de sa mulleri ◊ perdonai sa malidadi de is óminis! Ètimu spn. maldad Tradutziones Frantzesu méchanceté Ingresu wickedness Ispagnolu maldad Italianu malvagità Tedescu Bosheit, Niedertracht.