Ditzionàriu in línia
de sa limba e de sa cultura sarda

ammesturadúra , nf Definitzione su ammesturare Sinònimos e contràrios ammisturamentu, meschiadura | ctr. chirrionzu, seberadura Frases est una ammesturadura bèni essia Ètimu srd. Tradutziones Frantzesu mélange Ingresu mixing Ispagnolu mezcla Italianu mescolaménto Tedescu Mischung.

ammesturíssu , nm: ammusturíciu, mesturitu Definitzione cosas postas o fatas a méschiu, ammesturadas impare, coment'e faina bene fata o fintzes coment'e improdhu Sinònimos e contràrios ammesturítzia, ammesturu, misciaredha, misciura, mistudhu, gantine Frases ma ita ammesturissu soi faendu: no si seus cumprendendu apari! ◊ fàciu ammusturíciu de totugantu Ètimu srd. Tradutziones Frantzesu mélange Ingresu mixture Ispagnolu mezcla Italianu miscùglio, promiscuità Tedescu Mischung.

ammestúru , nm, agt: ammisturu, mesturu Definitzione cosa posta totu a unu cun àtera, ammesturadas apare; genia de pane de chivalzu / farra ammestura = chentza seberada in is partes Sinònimos e contràrios ammesturissu, ammesturítzia, ammísciu, mescra, misciura, gantine, imbestussa / mísciu Frases connosciat erbas e matas, fiat bona a fai ammisturus e impiastus po béstias e genti ◊ un'arcanu profumu mi prenat sos sensos imbadhinàndhemi in d-unu ammisturu de desizos e timoria (A.Chessa)◊ nosu no boleus fai ammesturu cun nemus! ◊ apustis chi ant cantau, si pàsiant e papant: nci funt ammisturus e improdhus (C.T.Perra) Ètimu srd. Tradutziones Frantzesu mélange Ingresu mixture Ispagnolu mezcla Italianu mistióne, commistióne, miscèla Tedescu Mischung.

ammischiàda , nf: meschiada Definitzione su ammischiare, ammesturare, su murigare impare cosas diferentes Sinònimos e contràrios morigada Ètimu srd. Tradutziones Frantzesu mélange Ingresu mixed Ispagnolu mezcla Italianu mescolata Tedescu Mischung.

ammisturaméntu , nm Definitzione su ammesturare, su betare totu apare cosas diferentes Sinònimos e contràrios ammesturadura | ctr. separadura Frases cussu sardu paret ammisturamentu de faedhadas diferentes ma lu faedhant própriu gai Ètimu srd. Tradutziones Frantzesu mélange Ingresu mix Ispagnolu mezcla Italianu mescolanza, miscelazióne Tedescu Mischung.

meschiadúra , nf: mesculadura Definitzione su meschiare, su ammesturare Sinònimos e contràrios ammesturadura, ammisturamentu | ctr. chirrionzu, seberadura Ètimu srd. Tradutziones Frantzesu mélange Ingresu mixing Ispagnolu mezcla Italianu mescolaménto Tedescu Mischung.

mestúra , nf: mistura Definitzione cosa fata o posta ammesturada cun àtera Sinònimos e contràrios ammesturu, méscia, misciura Ètimu ltn. mixtura Tradutziones Frantzesu mélange Ingresu mixture Ispagnolu mezcla, mixtura Italianu mistura Tedescu Mischung.

misciúra , nf Definitzione cosas diferentes ammesturadas apare Sinònimos e contràrios ammesturu, méscia, mestura Frases sa misciura de sa contzadura est meda perigulosa Ètimu srd. Tradutziones Frantzesu mélange Ingresu mixture Ispagnolu mezcla Italianu miscùglio Tedescu Mischung.

morigàda , nf: muricada, murigada Definitzione su murigare; su pàschere chi su bestiàmene faet aintru de note; in cobertantza, su istare cricandho chistiones angenas Sinònimos e contràrios abbatada, ammischiada Frases cun su fruconi, donadhi una murigada a sa linna in su forru! 2. note bona o note mala, a pitzinnedhos de deghe e dóighi annos nos afilaiant a mòere in murigada chin sa robba ◊ passadas is tres de note ist soniau babbai de sa morigada ◊ si no che fipi in muricada, su sero mi fachia un'irfuchilada de cussa cosa 3. una murigadedha a sa pingiada tocat peri a si dha donai, no po piscinai ma ca est doveri de isciri is cosas Ètimu srd. Tradutziones Frantzesu mélange, remuer Ingresu mix (ing) Ispagnolu mezcla Italianu mescolata Tedescu Mischen.