Legenda Incurtzaduras | Legenda Sìmbulos

annarbaméntu , nm Definitzione su annarbai, sa lanedha chi creschet in sa cosa isciusta Sinònimos e contràrios afungori, afungu, ammucoradura, imbucore, lanedha, morighinu, mucore, mugheru, nabra Terminologia iscientìfica atn, Botrytis cinerea Ètimu srd. Tradutziones Frantzesu moisissure Ingresu mould Ispagnolu moho Italianu muffa Tedescu Schimmel.

lanèdha , nf Definitzione genia de pilighedhu curtzu e cracu chi creschet in su materiale orgànicu isciustu (est codrolinu microscópicu); cosa birde chi creschet in mesu de s'abba mescamente firma, coment'e napa de arangiolu tibba, craca Sinònimos e contràrios afungori, annarbamentu, imbucore, morighinu, mucore, mugheru, nabra / napurru Frases non cherzo andhare in ancas chi zucant, pro frimmore, sa lanedha! ◊ su muru est totu lanedha de s'abba ◊ a su frutuàriu guastu li ponet sa lanedha 2. in s'abbadorzu sa lanedha pariat tallaranu birde Ètimu srd. Tradutziones Frantzesu moisissure Ingresu mildew Ispagnolu moho Italianu muffa Tedescu Schimmel.

mucòre , nm: mucori 1, mugore, mulgore, murgone, murgore, murgori Definitzione genia de lanedha chi ponet a is cosas mescamente úmidas o lassadas de meda in isserru, o chi ponet a su frutuàriu Sinònimos e contràrios afungori, afungu, annarbamentu, imbucore, mudhore, mugheru, nabra, sumore / ttrs. mugori Frases in domo, ube corcat bi est su mucore ◊ sa zente tuncunia est isetandhe su beranu pro si nche dogare su mucore de s'iberru dae ossos ◊ inoghe ite che fato, inchesuradu a frazados impreos e a nadas cobertas de murgone? (G.Fiori)◊ fit in beranu, un'istajone bella, ma in sos muros bei fit sa lana, fiagu de inserru e de mugore (B.Serra)◊ s’olia cunfitendi in su ziru portat una tzilla de nabra, pillu de mucori (L.Melis) Terminologia iscientìfica atn, Penicillium expansum Ètimu ltn. mucore(m) Tradutziones Frantzesu moisissure Ingresu mould Ispagnolu moho Italianu muffa Tedescu Schimmel.

mughéru , nm: mulgheru, murgheru Definitzione genia de lanedha chi ponet a is cosas mescamente úmidas o lassadas de meda in isserru, a frutuàriu guastandhosi Sinònimos e contràrios afungori, afungu, annarbamentu, imbucore, morighinu, mucore, nabra Frases in s'órriu de sos piuerosos sónnios calchi ranu, cobertu de mulgheru, nos contat sos beranos chi no torrant (L.Brozzu) Terminologia iscientìfica atn, Botrytis cinerea, Penicillium expansum Tradutziones Frantzesu moisissure Ingresu mildew Ispagnolu moho, podredumbre gris (botrytis) Italianu muffa Tedescu Schimmel.

nàbra , nf: anarba, narba 1 Definitzione genia de lanedha chi faet in sa cosa isciusta, fintzes sa lanedha chi faet in is orrocas Sinònimos e contràrios afungori, afungu, annarbamentu, imbucore, morighinu, mucore, mulgheru Tradutziones Frantzesu moisissure Ingresu mould Ispagnolu moho Italianu muffa Tedescu Schimmel.

«« Torra a chircare