Ditzionàriu in línia
de sa limba e de sa cultura sarda

bastàsciu , nm, agt: bastassu, bastràsciu Definitzione ómine chi leat càrrigos mannos, a carrigare o iscarrigare; chi est de modos pagu bellos, pagu educaos: si narat prus che àteru a disprétziu; in su cuadhu armau, biga maista Sinònimos e contràrios carriàgiu, ilgarrighinu, iscolletinu / maleducadu Frases apu fatu dógnia arti bella e maba, fintzas su bastràsciu ◊ inveci de tzerriai unu bastràsciu benis tui a ndi portai su bagàgliu 2. is piciocus de immoi funt totus bastràscius: centu féminas bint e centu ndi disígiant Ètimu ctl. bastax Tradutziones Frantzesu porteur, débardeur Ingresu porter, boor Ispagnolu mozo, maletero Italianu facchino Tedescu Träger, Dienstmann, Träger.

carriàgiu , nm: carrialzu, carriarzu, garriarju Definitzione ómine chi leat càrrigos mannos, a carrigare o iscarrigare; ómine de modos pagu bellos Sinònimos e contràrios bastàsciu / maleducadu Frases bi aiat pastores, massajos, carriarzos ◊ mancu duos carrialzos ti movent daghi ti arrambas! ◊ sos carriarzos sunt andhados solos a che interrare sos mortos 2. faghet sempre s'andhata de su crabarzu e at modos de unu carriarzu, chentza rispetu a minores e mannos Terminologia iscientìfica prf Ètimu srd. Tradutziones Frantzesu porteur Ingresu porter Ispagnolu mozo, maletero Italianu facchino Tedescu Gepäckträger.

istalléri , nm Definitzione chie atendhet pegos in istalla Ètimu itl. Tradutziones Frantzesu garçon d'écurie Ingresu stable boy Ispagnolu mozo de cuadra Italianu stallière Tedescu Stallbursche.

pilócu , nm Definitzione piciochedhu fintzes a is dóighi, tréighi annos Sinònimos e contràrios piciochedhu, pillosu*, pisedhu 3 Frases apo colau sos annos de pilocu apare cun mannoi meu Tradutziones Frantzesu petit garçon Ingresu young boy Ispagnolu niño, mozo Italianu fanciullo, ragazzino Tedescu kleiner Junge.