Ditzionàriu in línia
de sa limba e de sa cultura sarda

istróchia, istróchida , nf Definitzione genia de móvia o ingestu chi si faet, mescamente cun is murros e foedhandho, po pàrrere un'àteru, a befa Sinònimos e contràrios ingestu Frases a s'istróchida chi li at fatu li at lassadu andhare un'istuturrada! ◊ sunt bélidos sintzeros de anzones o frassas istróchias de marzanes malinnos? Ètimu srd. Tradutziones Frantzesu nique Ingresu grimace Ispagnolu mueca Italianu sberlèffo Tedescu Grimasse.

istrócu , nm: stróciu Definitzione ingestu chi si faet o cosa chi si narat, cambiandho sa boghe e trochendho is murros, po istròchere, pàrrere un'àteru, po befa; calesiògiat cosa chi si faet o chi si narat befandho e faendho erríere Sinònimos e contràrios istorcone, istróchidu, strocidura, strocimentu, trastocu 2. sa limba si faghet literadura: condaghes, cartas de logu, gosos, iscravamentos, berbos, contados, cumédias, istivinzos, istrocos, istrobedhalimbas, càntigos de amore, de bartzolu, de trabàgliu e gai Ètimu srd. Tradutziones Frantzesu grimace, contrefaction Ingresu counterfeit, face Ispagnolu mueca Italianu smòrfia, contraffazióne Tedescu Grimasse, Nachäffung.

strócidu, strocíu, stróciu , nm: (stró-ciu) istróchidu*, istrocu Definitzione ingestu chi si faet o cosa chi si narat, cambiandho sa boghe e trochendho is murros, po istròchere, pigare a befa, fàere arrennegare; fintzes buatone, mamutzone, prus che àteru nau de ccn. po èssere bestiu male / fai su stróciu = istròchere / a/c. a su pl. sa /ò/ est abberta: stròcius Sinònimos e contràrios strocidura, strocimentu Frases dèu no timu stróciu mancai cumentzint giai a mi tzerriai su nomíngiu ◊ pariat chi sa gioventudi bidhanoesa fut fendu su stróciu a is boxis chi s'intendiant in sa radio ◊ su tempus ti at a isconciai sa bellesa, a stròcius piticus, finas a signai totu sa faci tua 3. cambiadia, ca comenti ses bestiu mi paris unu strociu! Tradutziones Frantzesu grimace Ingresu grimace Ispagnolu mueca Italianu boccàccia, smòrfia Tedescu Grimasse, Fratze.