Ditzionàriu in línia
de sa limba e de sa cultura sarda

afàre, afàri , nm: afàriu, afaru Definitzione cosa chi si faet tenendhondhe o po ndhe tènnere torracontu: podet èssere css. faina, o cumandhu, o cómporu, cumérciu, o fintzes cosa unu pagu in trampa, pagu límpia, de aprofitamentu, cosa chi si faet crèdere po un'iscopu essendho ebbia po ndh’àere torracontu mannu / min. afarixedhu, afaracedhu Sinònimos e contràrios còmpara, cumandhu, faina Frases su chi no tenit summas de riserva in logu miu fait pagus afàrius! ◊ aiant bistu sos afares in manera diferente, ma non briaiant pro cussu ◊ sa pingiara balit unu milioni… custu sí chi est a isciri fai is afaris! ◊ no ndhe podiat benner bintore de sa poveresa e pro nanchi chircare de cambiare sa sorte at provau a si pònnere in afares ◊ su maridu che fit in continente ponzendhe ifatu a sos afares suos ◊ in medas afaris ti apu favoréssiu e mi as frastimau puru! Ètimu itl. Tradutziones Frantzesu affaire Ingresu affair Ispagnolu negocio Italianu affare Tedescu Geschäft.

negónsciu , nm: negossiu 1, negossu, negúsciu, negússiu Definitzione su comporare e bèndhere cosa coment'e trebballu; fintzes afàriu, chistione Sinònimos e contràrios bendhijone Frases a s'istracu baratu bos ndh'azis fatu negúsciu ◊ su negúsciu fit andhendhe male e at comintzadu a pònnere dépidos ◊ ma ite negossos sont custos: nessune at mai vénnitu e comporatu erveches mortas! ◊ su negúsciu est fatu gai: bèndhere caru e comporare baratu Tradutziones Frantzesu commerce Ingresu commerce Ispagnolu negocio Italianu commèrcio Tedescu Handel, Verkehr.