Legenda Incurtzaduras | Legenda Sìmbulos

caómbu , nm: colombu, columbu, culumbu Definitzione genia de pigione mannu; númene chi si giaet a s'ómine o a su piciochedhu istimau forte; in cobertantza, abbogau inganniosu, trancamallosu Sinònimos e contràrios atopi, tidori, tidu 2. culumbedhu meu, no mi batas cussu achidu: pone mente a mamma! ◊ su columbu meu istimadu! Sambenados e Provèrbios smb: Colombu, Columbu / prb: maridu anzenu columbu paret Terminologia iscientìfica pzn, columba palumbus, c. livia, c. oenas Ètimu ltn. columbus Tradutziones Frantzesu pigeon Ingresu pigeon Ispagnolu paloma Italianu colómbo, piccióne Tedescu Taube.

colúmba , nf: culumba, columma, culúmbula Definitzione genia de pigione fémina; foedhu chi si narat cun istima forte a fémina Frases so intendhendhe chighígliu de columbas e de caos bolendhe in s'aera 2. est innotzente che columba 3. no ti fides, columba, ca s'astore fatu tou sas úngias est perdendhe! ◊ sa columbedha mia cun su rampu de s'olia apo mandhadu Terminologia iscientìfica pzn Ètimu ltn. columba Tradutziones Frantzesu colombe Ingresu dove Ispagnolu paloma Italianu colómba Tedescu Taube.

sucèlla , nf: surcella Definitzione una genia de pigione chi assimbígiat unu pagu a sa trúturi (ma dhi mancant is pinnias biancas in sa coa) e a su columbu (e de custu dhi mancat sa mància bianca in sa gropa) Frases su cantu amurosu de una sucella chi ispetat debbadas… Terminologia iscientìfica pzn, columba oenas Tradutziones Frantzesu biset Ingresu stock dove Ispagnolu paloma zurita Italianu colombèlla Tedescu Hohltaube.

tidòne , nm: tidoni, tidore, tidori, tidóriu Definitzione columbu areste; bàtile o pícula a giogare e orrugu de linna, puru Sinònimos e contràrios caombu, dudone, palumba, tidu Frases dhoi funt tidórius, trudus, lèpuris, bussus e nacarredhas ◊ bròcias de tidórius ◊ ci torras a sa bia de is Lioris, is arregordos prus bonos e caros si pesant coment'e is tidoris (B.Liori) Sambenados e Provèrbios smb: Tidore Terminologia iscientìfica pzn, columba palumbus Ètimu ltn. *titone(m) Tradutziones Frantzesu pigeon ramier Ingresu ring-dove Ispagnolu paloma torcaz Italianu colombàccio Tedescu Ringeltaube.

«« Torra a chircare