Legenda Incurtzaduras | Legenda Sìmbulos

dimandhòne , nm Definitzione chie andhat a pedire, pòberu chi cricat alemúsina Sinònimos e contràrios dimandanti, mendhicu, pedidore, peduleu, pedulianu, petiteri, pidore / cdh. dimandoni Frases no apo fàcia de mi presentare: comente so, mancu dimandhone! ◊ no mi lasses apitu in carrera che unu dimandhone ◊ apustis de dies e dies de dimandhone est torradu a domo sua Tradutziones Frantzesu mendiant Ingresu beggar Ispagnolu mendigo, pordiosero Italianu accattóne Tedescu Bettler.

fadigósu , agt Definitzione chi tenet o giughet fàdigu, chi est a fàdigu, in poberesa manna (e nau mescamente a disprétziu) Sinònimos e contràrios famicosu, pedhitzoni Frases nci at genti fadigosa e matrachera chi atru non pentzat che a fai mali! Ètimu srd. Tradutziones Frantzesu gueux Ingresu tramp Ispagnolu mendigo, pordiosero Italianu pezzènte Tedescu arm, elend.

pedidòre, pedidòri , nm, agt: petitore Definitzione chie andhat a pedire, pòberu chi cricat alemúsina, chi andhat a pedire Sinònimos e contràrios dimandhajolu, dimandhone, pedulianu, petiteri, pidore, pobiritedhu Frases bi cheret fàcia manna che pedidore ◊ unu póberu tzegu pedidore mi at fatu pena ◊ in bidha nostra no che ndh'at de petitores: sa tzente istat bene ◊ fit menzus cun tegus tribbulare chi no andhare in terr'anzena pedidore 2. at postu cantone a unu padre pedidore Sambenados e Provèrbios prb: s'ómine in bidha anzena pedidore paret Ètimu spn. pedidor Tradutziones Frantzesu mendiant Ingresu mendicant Ispagnolu mendigo, pordiosero Italianu mendicante Tedescu Bettler.

pedugliànu , agt, nm: pedulianu Definitzione chi o chie andhat a pedire, pòberu chi campat de alemúsina; fintzes unu chi acostumat a pedire, a istare a su pedi pedi Sinònimos e contràrios dimandanti, dimandhajolu, dimandhone, mindigheri, pedidore, pedulache, peduleu, peduncheu, pidore / pedixolu Frases istórias, cantones fit bendhendhe unu pedulianu istropiadu ◊ est totu male bestidu paret unu pedulianu ◊ sunt a briga che pedulianos in loza Ètimu srd. Tradutziones Frantzesu mendiant Ingresu mendicant Ispagnolu mendigo, pordiosero, limosnero Italianu accattóne, mendicante Tedescu Bettler.

«« Torra a chircare