Legenda Incurtzaduras | Legenda Sìmbulos

fadigósu , agt Definitzione chi tenet o giughet fàdigu, chi est a fàdigu, in poberesa manna (e nau mescamente a disprétziu) Sinònimos e contràrios famicosu, pedhitzoni Frases nci at genti fadigosa e matrachera chi atru non pentzat che a fai mali! Ètimu srd. Tradutziones Frantzesu gueux Ingresu tramp Ispagnolu mendigo, pordiosero Italianu pezzènte Tedescu arm, elend.

istratzolàu , pps, agt, nm: istratzuladu Definitzione de istratzolare; chi est totu iscorriau; nau de orrobba, de trastu, chi est segau a tiras; nau de unu, chi est bestiu de orrobba segada o bècia Sinònimos e contràrios irbinarjau, iscorriau, iscorriolau, ispendhuladu / iscosinzadu, istracibau, pedhitzoni, spollatzinu, strícialu 2. Titinu Nivola at fatu sa Sardigna a pane de Otieri, una Sardigna istratzolada cun Orane marcada in mesania ◊ fit totu istratzolau, brutu e chin sa cara issambentada ◊ so andhadu iscultzu, istratzuladu, cun sa carre brujada ◊ istratzuladu e a pè, santu Giuanni at giradu su desertu Tradutziones Frantzesu gueux Ingresu torn, beggar Ispagnolu desgarrado, trapajoso, andrajoso Italianu lacerato, straccióne Tedescu zerrissen, zerlumpter Mensch.

istravàciu , agt, nm: istravàgiu, stravàciu Definitzione nau de ccn., chi est malegontzu, matratu, nau de cosa, chi est consumada, ispaciada, bècia; frazadura, manígiu chentza reguardu / èssere de istravazu = de manizu mannu, manizadu a meda, pro cosa bruta Sinònimos e contràrios fadicosu, famicosu, pedhitzoni, pedidore, pobiritedhu / iscrau / cossumidura, finigoni, ispitidura Frases is propietàrius si fiant benni su braberi a peis po no s'imbesturai in butega cun cudhus istravàcius chi teniant fragu de sudori (B.Lobina)◊ vida lègia fiat sa sua, cun su babbu sempri apitzus che unu meri cun is istravàgius ◊ sos pilocos a issa la tratant che una tzerachedha de istravazu Tradutziones Frantzesu gueux Ingresu tramp Ispagnolu mendigo andrajoso Italianu pezzènte Tedescu armer Schlucker.

pedhitzòni , agt, nm: pedhucione, pedhutzone, pellitzone Definitzione persona miseredha, totu male posta, bestia de orrobba bècia (a logos fintzes màscara de carrasegare) Sinònimos e contràrios batigone, fadigosu, famicosu, istratzolau, pendharitzone, petularzu, strícialu, zaulone / ttrs. pidhitzoni / limidu, susuncu Frases chircat su furisteri pellitzone, no importat si arroncat o apedhat Tradutziones Frantzesu gueux Ingresu beggar Ispagnolu miserable, trapajoso Italianu straccióne, pitoccóne Tedescu zerlumpter Mensch.

«« Torra a chircare