Legenda Incurtzaduras | Legenda Sìmbulos

lentòre, lentòri , nm Definitzione genia de abbita finevine de no si pòdere bíere, mancu, chi in notes craras calat de is aeras e isciundhet o úmidat su logu / l. màsciu = bedhia, chidhighia Sinònimos e contràrios saghina, sanenu / cdh. lintori, sainàglia Frases pàghida e serena che lentore chi ruet in note crara de s'aera, una rusina tépia e lezera bagnat sa terra (G.Deriu)◊ apenas chi che leat su lentore atacamus a binnennare ◊ sa campagna est bisèndhesi in beranu e paret sa modhina unu lentore ◊ semus chei su lentore: a sa prima iscampiada de su sole iscumparimus Ètimu ltn. lentore(m) Tradutziones Frantzesu rosée Ingresu dew Ispagnolu rocío Italianu rugiada Tedescu Tau.

saghína , nf: saina 3 Definitzione genia de abbighedha finevine de no si pòdere bíere, mancu, chi in notes craras calat de is aeras e isciundhet o úmidat su logu / saghinas de prantu = làgrimas Sinònimos e contràrios lentore, sanenu Frases sas fardetas comintzabant a si acudulare dae sa saghina de sas matas allentorias ◊ su locu est friscu, prenu de saghina ◊ in mesu de sa saghina v'at bacacorros Terminologia iscientìfica tpm Tradutziones Frantzesu rosée Ingresu dew Ispagnolu rocío Italianu rugiada Tedescu Tau.

saghinósu , agt Definitzione nau de su logu o de sa cosa fora, chi est totu saina, isciustu de lentore Sinònimos e contràrios allentoridu, saghinadu Ètimu srd. Tradutziones Frantzesu humide de rosée Ingresu dewy Ispagnolu rociado, húmedo de rocío Italianu rugiadóso Tedescu tauig.

sanénu , nm, nf: selena, selenu, serenu Definitzione s'umidore de su note candho no est currendho bentighedhu / dormire a serenu = foras, su note Sinònimos e contràrios lentore, saghina / cdh., ttrs. sirenu Frases est calendu su serenu notesta ◊ in custa carrela mi arreo, bénnitu pro t'imbisitare: custu selenu chi leo candho mi l'as a pacare? ◊ fintzes cun sa selena imbucaiant a triballare a primu manzanu Sambenados e Provèrbios smb: Selenu, Serenu Terminologia iscientìfica tpm Ètimu ltn. serenum Tradutziones Frantzesu rosée Ingresu dew Ispagnolu rocío Italianu rugiada Tedescu Tau.

saúrra , nf Definitzione selentu mascinu, isciustura de su serenu de su note chi si podet fàere a istídhigos mannos, a meda, in s'erba, in sa sida Sinònimos e contràrios arrosada, arrosu Frases custu manzanu bi aiat saurra e colendhe in mesu de sas matas mi so fatu tirchiatírchia Sambenados e Provèrbios smb: Saurra Terminologia iscientìfica tpm Ètimu srdn. Tradutziones Frantzesu rosée Ingresu dew Ispagnolu rocío Italianu guazza Tedescu reichlicher Tau.

«« Torra a chircare