Ditzionàriu in línia
de sa limba e de sa cultura sarda

selvíssiu , nm: serbíssiu, serbítziu, servíssiu, servítziu Definitzione faina chi si faet po ccn. o calecuna cosa, mescamente a pagamentu; portada o muda de papares; cabidhada de trastos paríviles, oguales, a dusina o a mesa dusina Sinònimos e contràrios cdh. silvítziu 3. no pongais su servítziu nou a manígiu, lah! ◊ tenet sa credentza prena de servítzios de latzinu ◊ pone sa gafitera in su fogu e prepara sas cícheras de su servítziu bonu! Tradutziones Frantzesu service Ingresu service Ispagnolu servicio Italianu servìzio Tedescu Dienstleistung.

serbidoràlla , nf Definitzione is serbidores, is tzeracos, nau unu pagu a disprétziu Ètimu srd. Tradutziones Frantzesu domestiques Ingresu servitude Ispagnolu criados, servicio Italianu servitù, servitorame Tedescu Dienerschaft, Gesinde.

terachía , nf, nm: terachiu, tzerachia Definitzione is tzeracos; su fàere su tzeracu, su èssere tzeracos, fintzes coment'e trebballu, faina chentza pagada, chentza connota, a isfrutadura e aprofitamentu Sinònimos e contràrios abbatu 2, acódriu, acómodu, patu Frases in domo sua bi fit totu sa parentella ei su terachiu 2. secuestradu est chie pro cumpensu apustis de un'annu de terachia retzit su tantu de no mòrrere ebbia (I.Porcheddu)◊ a ndhe li at fatu de terachiu, a s'amigu, chentza ndhe àere mancu su tantu de un'ungra! Ètimu srd. Tradutziones Frantzesu domestiques Ingresu servitude Ispagnolu servicio, servidumbre Italianu servitú Tedescu Dienerschaft.