Ditzionàriu in línia
de sa limba e de sa cultura sarda

córdula , nf: Definitzione s'istentina de unu pegus mescamente piticu filada, a imbodhigadura, cun àteros orrugos de matzàmene (bentre, cordule, orrugu de napa, àteru) e poi cota a orrostu o, si est pegus mannu, iscotada e apustis orrustia o fata a cassola / fai sa córdula a sa musca = èssere limidos, susuncus Sinònimos e contràrios codra Terminologia iscientìfica mng Ètimu srd. Tradutziones Frantzesu tresse de boyaux servant à faire rôtir Ingresu gut plait prepared to be roasted Ispagnolu trenza, madeja, revoltillo, mazo Italianu tréccia di intestini per arròsti Tedescu Darmflechte zum Braten.

pèta 1 , nf: preta 3 Definitzione is pilos fatos a trícia, ispartzios in tres pubusones e intraos apare intéssios; corona de àgiu; sisia de su cugudhu, po dhu pòdere poderare acapiau / min. pretulledha Sinònimos e contràrios patedha 1, trícia Maneras de nàrrere csn: cadinu de preta = lóssia; no ti apu fatu sa coa a nuu e is pilus a pretas! = de ita ti chèscias candu no ti apu fatu nudha?! Frases si no dh'acabbas ti aferru a is pretas e bis acomenti ti frimas! Ètimu ltn. plecta Tradutziones Frantzesu natte, tresse Ingresu plait Ispagnolu trenza Italianu tréccia Tedescu Zopf.

trícia , nf: tríncia 1, tritza Definitzione filos, pilos, codriolas, tiras longas de pedhe o àtera cosa (prus che àteru a tres ma fintzes a bàtoro) intraos apare de longu betandhodhos unu in pitzu de s'àteru, unu de una parte e unu de s'àtera a borta a borta Sinònimos e contràrios patedha 1, peta 1, trena Maneras de nàrrere csn: tritza de sartitzu, de azu = unu crobu de sartitza, unu filleri de azu; fàghere a tritza = intritzare; isciusciai is trícias = torrare a pilu isortu Frases Filumenedha si faghet sa tritza carignendhe sos pilos ◊ is pilos si dhos at segaos a curtzu: su nàrrere ca dh’io isposada po is tríncias longas chi portiat! Ètimu itl. Tradutziones Frantzesu natte, tresse Ingresu plait Ispagnolu trenza Italianu tréccia Tedescu Flechte.