Ditzionàriu in línia
de sa limba e de sa cultura sarda

tròpara , nf: tròpera, tròpora Sinònimos e contràrios camarada, cedha, fiotu, tropa, trumada Frases a tròparas is emigraus lassant su logu insoru ◊ ariseu apu biu una tròpera de giòvunus ◊ dhui funt is devotus a tròperas domandendi gràtzia a sant'Arega ◊ seus andadas totus a una tròpora a su mortu Ètimu srd. Tradutziones Frantzesu troupe Ingresu formation, swarm Ispagnolu tropel Italianu schièra, tórma Tedescu Schar.

tropéliu , nm Definitzione gente a tropas in movimentu, a meda totu impare in su matessi logu Frases su tropéliu nd'iat prenu totu s'arruga ◊ a cuss'ora s'arruga fiat unu tropéliu mannu e totus si firmànt a pregontai Ètimu spn. Tradutziones Frantzesu rassemblement Ingresu concourse of people Ispagnolu tropel Italianu assembraménto Tedescu Ansammlung.