caigiòni , nm: caizone Definitzione ufradura chi faet sa puntura de sa musca a cuadhos e boes; custa genia de musca etotu; in cobertantza, bisóngiu Sinònimos e contràrios babajone, babatzone, papajone, tajone / ampístula, brúgula, dolimazosa, frusca, fustema, postema / malandra / cdh. caicioni 2. aiat pérdidu sa sedha e como si bidiant sas malandras, sos caizones ◊ s'àinu est sempre cun caizones in su corzu ◊ in costas giughiat caizones e mancu l'ant giuntu a beranile 3. su carru tandho mi serbiat, mi ndhe at bogadu tantos caizones Terminologia iscientìfica crp, tabanus intermedius, chrysops italicus Tradutziones Frantzesu bouton, plaie Ingresu sore Ispagnolu picadura, habón, tábano Italianu fìgnolo, piaga Tedescu Furunkel.

matabòis , nm Definitzione genia de musca chi punghet a is boes e dhis suspit su sàmbene Sinònimos e contràrios saliscone, trabajoni Terminologia iscientìfica crp, Tabanus intermedius, T. bovinus, T. autumnalis, T. pluvialis, Chrysops italicus Ètimu ctl. matabous Tradutziones Frantzesu taon Ingresu gadfly Ispagnolu tábano Italianu tafano bovino Tedescu Bremse.

trabajòni , nm: trafajoni, trapajoni, travajoni, trovajoni Definitzione bobboi, genia de musca chi punghet a is boes e sa puntura e s'ufradura chi faet in sa pedhe; àteru bobboi niedhu chi trebballat e tragat su ladamíngiu a birillas po dhue pònnere sa cria Sinònimos e contràrios saliscone / babajone, caigioni, papajone, tajone / carrammelda, scarfajoni, tragammerda Frases is bòis currint a travajoni ◊ coment'e ballas niedhas chi zúmmiant frusiosas cabant is travajonis 2. aici seus, arrúmbua arrúmbua a us'e travajoni! ◊ m'ispantada ca no si nc'istichiat in mesu, sa dama de is trovajonis!… Terminologia iscientìfica crp, Tabanus intermedius, T. bovinus, T. autumnalis, T. pluvialis, Chrysops italicus Tradutziones Frantzesu taon Ingresu gadfly Ispagnolu tábano Italianu tafano Tedescu Bremsfliege.

«« Torra a chircare