Legenda Incurtzaduras | Legenda Sìmbulos

àbbile 1 , agt: àbbili 1 Definitzione chi tenet abbilidade, siat coment'e fortzas e siat coment'e inteligéntzia / fàghere a unu à. a sa leva = averguare chi unu est a tretu de fàghere su militare Sinònimos e contràrios abbilidadosu, abbilitosu, àciu, agisu, balente, capaci, gafante | ctr. isente, tontu Frases cincu giòvanas fuant tontas e cincu àbbilis ◊ iscultaia sa frúschida de s'ispola chi cun àbbile manu mandhaias ◊ ci fiat una borta unu fradi tontu e unu fradi àbbili ◊ ómines totos duos de dotrina, àbbiles in guvernu e in faina ◊ de un'àbbili dh'emu pótziu suportai, ma de unu tontu est cosa tropu lègia! Ètimu itl. Tradutziones Frantzesu capable, adroit, habile Ingresu able Ispagnolu capaz, hábil Italianu capace, àbile Tedescu geschickt.

capàci , agt: capassi, capassu, capatze, capatzi, capatzu Definitzione chi est bonu o àbbile a fàere calecuna cosa / est capatzu chi… = est fàtzile, possíbbile chi…, podet èssere chi… fossis…, dàbbile Sinònimos e contràrios àbbile 1, agisu, balente / assuzetu | ctr. indelvesu, managu Frases tui ses capaci solamenti a picai tellegua! ◊ cussu zòvanu est capatzu a donzi cosa, est própiu de manos bonas ◊ ah, mih, a fàghere cussu triballu za est capatzu! ◊ cussu est capatzu de fai sa rivolutzioni a sou! ◊ no est capatza de ponni una pariga de francus in domu 2. capassi puru chi mi sia isballiada! ◊ est capatzu chi mancu l'ischit, su babbu, ite at fatu su fizu ◊ est capatzu chi oe proet, ca est annuendhe ◊ est capatzu chi lu fatant de abberu ◊ Billia sigheit a mi dare cossizos, a tzarrare e a nàrrere irvariones: capatzu chi lu faterat pro mi che istorrare dai s'oriolu (G.Ruju) Ètimu spn., itl. capaz Tradutziones Frantzesu capable Ingresu able Ispagnolu capaz Italianu capace Tedescu geschickt.

talentósu , agt: tallentosu Definitzione nau de ccn., chi tenet talentu, capacidade Sinònimos e contràrios àbbile 1, abbilidadosu, abbretiosu, agisu, balente, capaci | ctr. isente, managu Frases est unu piciocu talentosu ◊ gei est pagu tallentosu!… Tradutziones Frantzesu capable Ingresu able Ispagnolu capaz Italianu capace Tedescu fähig.

«« Torra a chircare