Legenda Incurtzaduras | Legenda Sìmbulos

chégia , nf: chéjia, chéxia, crégia, créjia, crésia, crexa, créxia Definitzione sa comunidade cristiana, sa comunione de is santos; logu sacru, fràigu, inue si dhue faent funtziones de adoramentu e arrengratziamentu a Deus o de devotzione a is santos / min. cresiedha, chejiaredha, chejita Sinònimos e contràrios cesa, crea 1 Maneras de nàrrere csn: crésia mazore = sa crésia de su Santu patronu de sa bidha, sa sea de su píscamu; si sa crésia est manna su predi no dhoi crepat = "melius abundare quam deficere", menzus chi de cosa bi ndhe apat meda; èssere che crésia = bellu, mannu; fàghere totu sas crésias (nau de unu chi andat a logu)= arrèsciri fatuvatu, firmaisí in tantis logus, fai tantis firmadas; irghelàreche a unu che cane dae crésia = salarzare, fàghere fuire Frases po mi batiare mi ant giutu a crésia ◊ s'istàtua che l'ant posta in sa crésia mazore ◊ sa zente curret pentida a chégia ◊ cust'ómine si at bidu in sónniu a Santu Frantziscu chi li at nadu su logu inue li deviat fraigare una crexa 2. tenet boes che crésia ◊ sa chéxia de s'imbreagone est su tzilleri ◊ su pòveru maridu si ch'est ritiradu che cane catzadu dae créjia Sambenados e Provèrbios prb: chie no at bidu chéjia s'àinu s'adorat Terminologia iscientìfica prdc Ètimu ltne. ecclesia Tradutziones Frantzesu église Ingresu church Ispagnolu iglesia Italianu chièsa Tedescu Kirche.

gruxéri , nm: agruxeri Definitzione tretu inue si atóbiant duas orrugas, duos camminos; dhu narant puru a is arcos de sa navada de una crésia candho si atóbiant a grughe, a is bratzos de una crésia; in sa mola, est su telàrgiu ue si apicat su mojolu Sinònimos e contràrios cassiadorju, gruches, ingruxeri, pitzarxu Frases at ghetau su bandu me is gruxeris de is arrugas ◊ andai a is gruxeris de is bias e invitai a totus a sa coja! ◊ po ti nci torrai a bidha tua ti acumpàngiu fintzas a su gruxeri Ètimu srd. Tradutziones Frantzesu carrefour, croisillon Ingresu crossroads, cross Ispagnolu encrucijada, bóveda de crucería Italianu crocevìa, crocìcchio, crocièra della chièsa Tedescu Kreuzung, Kreuzgewölbe.

«« Torra a chircare