afrescionósu , agt: afriscionosu,
afrissionosu,
friscionosu Definitzione
chi faet provare afriscione, chi dhue at de ndhe tènnere làstima; chi provat o chi tenet afriscione, làstima, piedade de is àteros
Sinònimos e contràrios
cumpassivu,
dolintiosu,
feritzosu,
lastimosu,
piadosu,
piaidadosu
Frases
mama afrescionosa, agiua a fígios tuos! ◊ como ti agatas afrissionosa, ma sa curpa est sa tua, no de sa mala fortuna!
2.
fit afriscionosu de su destinu meu
Ètimu
srd.
Tradutziones
Frantzesu
touchant
Ingresu
moving
Ispagnolu
conmovedor
Italianu
toccante,
compassionévole
Tedescu
Mitleid erregen.
cordozósu , agt Definitzione
corimodhe, chi sentit cordozu, chi tenet làstima de s'àteru
Sinònimos e contràrios
afrescionosu,
cumpassivu,
feritzosu,
lastimosu,
piadosu,
piaidadosu
Frases
mi paret cordozosu chin sa cara cobarda, su sole ◊ Maria Vírgine e sas àteras Marias sunt cordozosas e pianghendhe candho tocant sas carres marturizadas de Gesusu
Terminologia iscientìfica
ntl
Ètimu
srd.
Tradutziones
Frantzesu
triste,
compatissant
Ingresu
sad
Ispagnolu
triste
Italianu
triste,
compassionévole
Tedescu
traurig,
erbärmlich.
feritzósu , agt Definitzione
chi tenet o sentit feritza
Sinònimos e contràrios
afrescionosu,
cumpassivu,
lastimosu,
piadosu,
piaidadosu
Frases
est ora, devo andhare, gighèndhemi… solu su feritzosu adiu de amigos (C.Demartis)
Sambenados e Provèrbios
prb:
a méigu feritzosu piae púdida
Ètimu
ttrs.
Tradutziones
Frantzesu
compatissant
Ingresu
pitiful
Ispagnolu
compasivo
Italianu
compassionévole
Tedescu
mitleidig.
lastimósu , agt Definitzione
nau de ccn., chi est de coro modhe, chi làstimat, chi tenet luego dolu de s'àteru; chi faet làstima, chi faet dispràxere
Sinònimos e contràrios
afetzionosu,
afrescionosu,
cumpassivu,
dolintiosu,
feritzosu,
piaidadosu
/
lamentosu,
pibinosu
Frases
candho partiant sos richiamados pianghindhe intendhia lastimosas mamas, muzeres, fizas e isposas (F.Mura)◊ sunt totus chin su coro astrintu e lastimosu ca depent partire a locos chi no connoschent ◊ sa mama fit lastimosa de cudhu fizu chi li aiant mortu ◊ si unu est lastimosu canno punghet un'animale, custu istentat a mòrrere!
2.
sa tzonca, cun cussa boghe lastimosa, paret narzendhe chi sa zoventura est currendhe! ◊ s'intendhet sa campana lastimosa a tocos lentos, paret chi piangat ◊ at fatu una fini lastimosa: dh'ant bociu ◊ su cantu de sa tzonca est boghe lastimosa de un'ànima tzerriandho
Terminologia iscientìfica
ntl
Ètimu
spn.
Tradutziones
Frantzesu
compatissant,
pitoyable,
lamentable
Ingresu
pathetic
Ispagnolu
compasivo,
lastimoso
Italianu
compassionévole
Tedescu
mitleidig,
bemitleidenswert.