atoàdu , pps, agt: atuadu, atuau Definitzione de atoare; nau de ccn., chi atuat a is cosas, chi dhue pentzat, si ndhe serat o acatat / ómine a., fémina atuada, pessone a. Sinònimos e contràrios abbistu, achistiadu, atinadu, giudisciosu Frases che fis cue: no bi as atuadu a colare a butega a leare su túcaru? ◊ za l'ischia chi depia fàghere cussu puru, ma tandho no bi apo atuadu, fia pessendhe in àteru! 2. tiat èssere prus atoadu meda a avertire sos parentes! ◊ tenet bíndhighi annos, ma est atuada, no istat ispetendhe a bi lu nàrrere sa mama su de fàghere! ◊ e atuadu, mih, chi no ses… cantu s'àinu: depo pessare a totu deo! Tradutziones Frantzesu avisé Ingresu discerning Ispagnolu sensato, consciente Italianu accòrto, consapévole Tedescu klug.

cabósu , agt Definitzione nau de unu, chi tenet cabu, capia, faendho is cosas, chi giaet atentzione, chi dhas faet bene, cun incuru, chi ischit su chi faet, ite est faendho: si narat fintzes in su sensu de mannu Sinònimos e contràrios abbistu, acabadu, contipizosu, fundoriau, giudisciosu | ctr. iscabadu, iscabiladu Frases a su cumandhu mandha a su pitzinnu, za est cabosu! ◊ ite cabosa chi est custa pisedha!… 2. proite no benis tue a m’iscúdere, chi ses prus cabosu, cantu chi mandhas cussa criadura?!… Terminologia iscientìfica ntl Ètimu srd. Tradutziones Frantzesu diligent Ingresu diligent Ispagnolu diligente Italianu diligènte, consapévole, maturo Tedescu fleißig, bewußt.

sapèschere , vrb rfl: assabèschere* Definitzione su si acatare de is cosas Sinònimos e contràrios abbigiare, assaborire, saerare, sapire Frases semus cumbintos, chene nos sapèschere, chi semus su chi manicamus e bivimus ◊ chene si ndhe sapèschere ripitint cosas chi fachiant sos mannos ◊ prima de apèrrere ojos, innossente, de vida e morte no ti ses sapéschiu (G.Zichi) Tradutziones Frantzesu percevoir, apercevoir Ingresu to be conscious Ispagnolu concienciar Italianu èssere consapévole Tedescu bewußt sein.

sciènti 1 , agt Definitzione chi iscít, chi ischit de ischire / s. de… Sinònimos e contràrios cabosu Tradutziones Frantzesu conscient Ingresu conscious Ispagnolu consciente Italianu consapévole, cònscio Tedescu bewußt.

«« Torra a chircare