Ditzionàriu in línia
de sa limba e de sa cultura sarda

drínnida , nf: drínnita Definitzione su drinnire, su sonu de unas cantu cosas no sèmpere o totus fatas po sonare Sinònimos e contràrios drinnia, drinnu, intinnu 1, sonada, tínniu, tínnulu, trínnidu 2. drínnita a s'uricra destra: in bidha mi molestant, drínnita a s'uricra manca: in bidha mi bantant ◊ sas matallas de sas gamas, irbuitatas dae s’erva e dae sa patza, si fint pesatas a drínghitas Ètimu srd. Tradutziones Frantzesu tournoiement, vibration Ingresu twirl, vibration Ispagnolu trino, vibración Italianu prillo, vibrazióne Tedescu Vibration.

dúmida , nf: dúmmida Definitzione muina, sonu coment'e de cosa chi girat fúlia, nau pruschetotu de sa bardúfola, ma fintzes su fragassu de su fogu abbruxandho a fràmmula meda, zúmiu de bentu, de muscone Sinònimos e contràrios drínnida, zúmiu Frases est tenendhe su focu a dúmidas de frama (G.Piga)◊ sas chícheras, chicherandhe a totu dúmida, irmedhighinabant a totus, zente e boes ◊ su bentu a dúmmida pilisat montes, badhes, chelu e mare Ètimu srd. Tradutziones Frantzesu tournoiement, crépitement Ingresu crackilng Ispagnolu trino, estallido, chisporroteo Italianu prillo, crepitìo Tedescu Schwirren, Geknister.