Legenda Incurtzaduras | Legenda Sìmbulos

bichinàdu, bichinàtu, bichinàu , nm: bighinadu, biginau, bixinau, vichinadu Definitzione parte de una bidha, is domos acanta de pare in sa matessi orruga, de is orrugas prus acanta; sa gente chi dhue istat Sinònimos e contràrios apendítziu, arrodu 1, bodheu, trechinzu Frases si no acodint is de biginau a dhas istagiai ciai si donant una craminada! ◊ sa genti de bixinau dh'iant consillau de andai a guventu ◊ sa zente de su bichinau no bi resesso a l'irmenticare ◊ so essindhe, za no istésio, so in bighinadu! 2. candu est mortu su pobidhu, agitoriendi at fatu acudiri totu su bixinau ◊ arrori dha cundat, e fémina: tenit arrexoni su chi narat su bixinau! Sambenados e Provèrbios prb: coja e còmpora in bidha tua e si podes in bighinadu! Terminologia iscientìfica bdh Ètimu ltn. vicinatus Tradutziones Frantzesu voisinage Ingresu neighbourhood Ispagnolu vecindad Italianu vicinato, rióne Tedescu Nachbar.

bodhéu , nm Definitzione domos apresu de pare, su tretu de orruga chi portant in mesu; chedha de gente impare po chistionare Sinònimos e contràrios bichinau, codheu, codhu 1, corrígliu, madau, padheu 2. ant fatu bodheu po passai tempus ◊ óminis e féminas si pinnicant apari in bodheus de dexi e cuíndixi personas ◊ in biginau si seent in su leminàrgiu e peri in su camminu, in su friscu, e custa moda de si arreunie si narat su bodheu Terminologia iscientìfica bdh Ètimu ltn. collegium Tradutziones Frantzesu quartier Ingresu neighbourhood, crossroads Ispagnolu barrio, manzana Italianu rióne, crocìcchio Tedescu Stadtteil, Viertel, Kreuzung.

trechínzu , nm: trichíngiu, trichinzu, trighignu, trighinzu Definitzione nau de bidha, bidhighedha, bidha pitica, medau de una pariga de domos o fintzes bighinau; chedha de animales / Sos Trighinzos = sa leada de Ispollatu, Su Burgu e Bótidha in Sa Costera Sinònimos e contràrios bichinadu, bidhichedha, bidhiciolu, bidrinzu, furriadolzu, leada, madau / arbutzu, assorte, cedha, fiotu, grústiu, tropedhu Frases canno fut biu babbai, Désulu fut divisu in tres trighignos 2. tenet unu trighinzu de erveghes Ètimu ltn. tricinius Tradutziones Frantzesu quartier, petit troupeau Ingresu neighbourhood, little herd Ispagnolu barrio, rebaño pequeño Italianu rióne, pìccolo grégge Tedescu Statdviertel, kleine Herde.

«« Torra a chircare