Legenda Incurtzaduras | Legenda Sìmbulos

arrú , nm: arrua, arruvu, orrú, rú* Definitzione sa tupa e su frutu de s’orruo, genia de linna chi faet a cambos longos, mussòrgias o cannas, totu ispina / a. cràbinu, arruvu cràviu, màsciu = rubu berbeghinu, ruburbinu; essiri de s’arrú e intrai in su titioni = andhare de male in peus; murighessa de s’arrua = mura, su frutu de su rú; sida de a. = canna de rú Sinònimos e contràrios amura, lama 1, murarrú, orruile Frases trobiu coment'e s'arrú cun su tintioni Sambenados e Provèrbios smb: Arrú / prb: àxina cota e mura de arrú, dogna cosa a su tempus sú Terminologia iscientìfica mt, Rubus fruticosus Tradutziones Frantzesu ronce Ingresu bramble Ispagnolu zarza Italianu róvo Tedescu Brombeerstrauch.

múra 1 , nf: amura Definitzione su frutu de s'orruo, ma fintzes sa tupa; su frutu de sa morighessa (a logos m. de mata) e fintzes custa mata etotu; genia de anedhu cun trebballu a bisura de mura / m. de terra = fràula; niedhu che m. = niedhu píghidu Sinònimos e contràrios arrú, lama 1, muramura, murarrú, murena 1 Frases cantu est niedha, sa mura, chi tinghet finas su pannu! ◊ a pitzinnos istaimis girendhe sos logos tirendhe mura e chirchendhe nidos Sambenados e Provèrbios smb: Mura Tradutziones Frantzesu mûron (du ronce), mûre (du mûrier) Ingresu mulberry, blackberry Ispagnolu mora Italianu mòra di róvo, di gèlso Tedescu Brombeere, Maulbeere.

orrú, orrúa , nm: arrú, orrubu, orruo, orruvu, rú* Definitzione sa tupa e su frutu de s'orruo Sinònimos e contràrios amura, lama 1, murarrú Frases su logu est totu tupas de linna manna e arrampus de orrú ◊ dhue ndh'at orruo de segare!…◊ sa crésia orruta fut torrada a unu mògoro de pedra ammontadu de orruo ◊ candho at a èssere s'orrú lisu lisu chentza ispina… Sambenados e Provèrbios smb: Orrú Terminologia iscientìfica mt, rubus fruticosus Tradutziones Frantzesu ronce Ingresu bramble Ispagnolu zarzamora Italianu róvo Tedescu Brombeere.

rú , nm: arrú, orrú, rubu, rugu 1, ruo, ruvu Definitzione sa tupa e su frutu de sa mura de orruo / min. ruedhu (orruo etotu); pl. ruos / rubu berbeghinu = ruburbinu, rú cadhinu, rú cràbinu: su chi bogat sa rosa canina o rosa padedha, rú màsciu / tupale, tupa, mata de rú; canna de rú = tentalza, àlamu Sinònimos e contràrios amura, lama 1, murarrú Frases bi faghes mala figura che berveghe tenta a ruos! ◊ est una cresura de ruo ◊ tiria, teti, rugu e garduleu mi ant bistu vortulandhe a brente a susu (A.Nanni)◊ no si collit àchina dae su rubu! Sambenados e Provèrbios smb: (De)rrú, Ru Terminologia iscientìfica mt, Rubus fruticosus Ètimu ltn. rubus Tradutziones Frantzesu ronce Ingresu bramble Ispagnolu zarza Italianu róvo Tedescu Brombeere.

tentàlza , nf: tentarza Definitzione pértiga longa de orruo, cambu de orruo totu ispina Sinònimos e contràrios àlamu, lama 1 Terminologia iscientìfica rbr Ètimu srd. Tradutziones Frantzesu branche de la ronce Ingresu brier branch Ispagnolu rama de zarza Italianu ramo del róvo Tedescu Zweig des Brombeerstrauches.

«« Torra a chircare