Ditzionàriu in línia
de sa limba e de sa cultura sarda

mònte , nm: monti Definitzione su logu, sa terra a bisura de muntone a un'artària de prus de seschentos metros de su paris de su mare: su monte est fintzes totu sa parte de montes de unu sartu, e no unu monte síngulu (comente a bortas si distinghet fintzes coment'e síngula punta cun topónimu)/ in su monte si podet distínghere: sa punta, sa serra, bucas (o gúturos), badhes, badhigros o canales, costas e trempas, is atzas, is peales, is sedhas (a/c. in d-unas cantu nadas si faet pl.: che so pigadu in montes, ch'est in montes, andhare a montes) Sinònimos e contràrios | ctr. campu Maneras de nàrrere csn: andhare o leare monte monte = passai, andai me is montis de una serra, de monti in monti andendi a logu; intro ’e monte = me is partis o tretus de mesu, prus atesu de is orus; andai a malu monti a fai linna = comporare casu dae sos sórighes; fai de unu nudha unu monti = fàghere una chistione manna chentza bi àere ite Frases custu monte si che àlciat a 780 metres subra de su mare ◊ sos montes ebbia no si addóbiant, ma sos ómines benint apare si no oje cras ◊ in montes est frochendhe ◊ su monte de bidha est prenu de linna 2. is Domunosesus, passendi monti monti, andànt a su témpiu de Antas ◊ a fillu tú dh'apu biu andendi monti monti Sambenados e Provèrbios smb: (De)monte, (De)montis, (E)monte, (E)monti, Monte, Montes, Monti, Montis / prb: Deus non iscudit a is montis Terminologia iscientìfica slg Ètimu ltn. monte(m) Tradutziones Frantzesu montagne Ingresu mountain Ispagnolu montaña, monte Italianu mónte Tedescu Berg.

montícru , nm: montígiu, montigu, montiju, montiscru, montixu, montricu, montrigu, muntiju, muntricu, muntrigu Definitzione genia de montighedhu piticu, bàsciu bàsciu (a bortas dhu narant monte etotu in logos de basciuras) Sinònimos e contràrios cúcuru, frunchizolu, sedha Frases sos montígios si sunt assacarrendhe d'erva ◊ in cussu montigu si apubat una cresiedha ◊ sas arveghes che sunt pigadas a su montiju ◊ arrèssati un'azicu supra de carchi montricu! ◊ bi at montes artos e montiscros ◊ su babbu at datu duas lampitzatas in supra de su muntricu ◊ abberindhe s'istrada, pustis de duas chidas de triballu ant àpidu su nodu frimmu de su montrigu de Sa Corona ◊ bestint de ulia e laru ogni montrigu ◊ bi at bidhas inghiriadas de montigos Terminologia iscientìfica slg Ètimu ltn. montic(u)lus Tradutziones Frantzesu colline, coteau, monticule Ingresu hill, hillock Ispagnolu colina Italianu collina, còlle, monticèllo Tedescu Hügel, kleiner Berg.