Legenda Incurtzaduras | Legenda Sìmbulos

achidàrju , nm Definitzione cosa de papare, brovendha po bestiàmene Sinònimos e contràrios addescu, musúngiu, pravenda Frases s'achidarju li ponzo in sa cherina si lu poto irbitzare, su mazolu Ètimu srd. Tradutziones Frantzesu fourrage Ingresu pasture Ispagnolu forraje Italianu foràggio Tedescu Futter.

addéscu , nm: azescu Definitzione mànigu, su papare, mescamente cosa de laore (fae, órgiu, o àteru) chistiu po, o giau a, is animales; fintzes su addescare Sinònimos e contràrios achidarju, ammascu, brevenda, mànicu, musúngiu, pravenda Frases sa cardella sighit a batire addescu finas chi sos puzonedhos sunt mannos de bolare ◊ a sos animales lis cheret postu addescu, ca sunt famidos ◊ sa rúndhine cuidadosa batit s'addescu a sos fizos 2. su dinare est su pane de sa delincuéntzia, s'addescu de s'ingiustítzia Ètimu srd. Tradutziones Frantzesu provende Ingresu feedstuff Ispagnolu pienso Italianu mangime Tedescu Futter.

afórriu , nm, nf: aforru, anforra Definitzione pígiu de orrobba prus fine chi si ponet a sa bandha de aintru de unu bestimentu; pígiu de cosa (es. linna tostada) chi si ponet po afortimentu Sinònimos e contràrios forra, iforru, unforru Frases nd'iscosit s'afórriu de su bistiri ◊ dh'apu postu unu frochixedhu me in s'aforru de sa giaca ◊ una pariga de francus mi dhus iu cuaus in s'anforra de sa giacheta ◊ teniat una tzamarra, a pilu a intro e chena aforru Ètimu ctl., spn. aforro Tradutziones Frantzesu doublure Ingresu lining Ispagnolu forro Italianu fòdera, impiallacciatura Tedescu Futter, Furnierung.

fòrra , nf Definitzione pígiu de orrobba prus fine chi si ponet a sa bandha de aintru de unu bestimentu; pígiu de cosa chi si ponet po afortimentu Sinònimos e contràrios afórriu, iforru, unforru Frases sa forra de sa tzacheta si ndh'est iscosindhe Terminologia iscientìfica ts Ètimu srd. Tradutziones Frantzesu doublure Ingresu lining Ispagnolu forro Italianu fòdera Tedescu Futter.

forròne, forròni , nm Definitzione sa forra de su cracàngiu de is botinos, fintzes cracàngiu etotu Sinònimos e contràrios / cdh. furroni 2. aiat ligadu s'àteru cabu de s'ispau a su forrone de sa bote Terminologia iscientìfica sbb Ètimu srd. Tradutziones Frantzesu renfort intérieur du derrière d'une chaussure Ingresu inner backside of a shoe Ispagnolu contrafuerte Italianu parte posterióre intèrna della scarpa Tedescu Futter.

imbicàda , nf Definitzione su imbicare; su papare chi su pigione ponet in buca a su pigionedhu in su niu, giaendhodhi a papare Sinònimos e contràrios impapu, papi Ètimu srd. Tradutziones Frantzesu becquée Ingresu beakful Ispagnolu embuchamiento Italianu imbeccata Tedescu Futter.

musúngiu , nm Definitzione cosa de papare a brovendha po is animales e, in cobertantza, cosa de papare po gente puru Sinònimos e contràrios achidarju, addescu, bodhíngiu, pravenda / mucitura Frases cussa no pentzat che a su musúngiu, sempri cichendu a papai! ◊ at postu s'isportinu cun musúngiu a su cuadhu ◊ po musúngiu at pigau unu spiciuedhu de pani e un’ampudha de àcua 2. dh'iat partu de intendi murigu in unu musúngiu acanta de ispàdula e tzinniga Ètimu srd. Tradutziones Frantzesu fourrage Ingresu pasture Ispagnolu forraje Italianu foràggio Tedescu Futter.

«« Torra a chircare