Ditzionàriu in línia
de sa limba e de sa cultura sarda

achidàrju , nm Definitzione cosa de papare, brovendha po bestiàmene Sinònimos e contràrios addescu, musúngiu, pravenda Frases s'achidarju li ponzo in sa cherina si lu poto irbitzare, su mazolu Ètimu srd. Tradutziones Frantzesu fourrage Ingresu pasture Ispagnolu forraje Italianu foràggio Tedescu Futter.

afrongiài , vrb Definitzione bogare fròngias noas, cambos noos; giare iscomu, cambos friscos, sida a papare a is animales; foedhandho de orrobba, disegnare, pintare a fròngias, cun cambos Sinònimos e contràrios afrunzedhare, piglionai / addascare, aescai, abbrovendhae, assepare, assidai 2. is pastoris afrongiànt su bestiàmini aggruxendi suèrgius e ollastus 3. issa tenit mucadoris afrongiaus e àterus ricamaus Ètimu srd. Tradutziones Frantzesu affourager Ingresu to forage Ispagnolu dar forraje Italianu foraggiare Tedescu füttern.

aprovendhàda , nf Definitzione su aprovendhare, giare sa brovendha Sinònimos e contràrios aprovendhadura Ètimu srd. Tradutziones Frantzesu affouragement Ingresu foraging Ispagnolu forraje Italianu foraggiaménto Tedescu Fütterung.

aprovendhadòre , agt Definitzione chi giaet sa brovendha Ètimu srd. Tradutziones Frantzesu fourrageur Ingresu forager Ispagnolu quien da forraje Italianu foraggiatóre Tedescu Fütterer.

aprovendhadúra , nf Sinònimos e contràrios aproendhinzu, aprovendhada Ètimu srd. Tradutziones Frantzesu affouragement Ingresu foraging Ispagnolu forraje Italianu foraggiaménto Tedescu Fütterung.

musúngiu , nm Definitzione cosa de papare a brovendha po is animales e, in cobertantza, cosa de papare po gente puru Sinònimos e contràrios achidarju, addescu, bodhíngiu, pravenda / mucitura Frases cussa no pentzat che a su musúngiu, sempri cichendu a papai! ◊ at postu s'isportinu cun musúngiu a su cuadhu ◊ po musúngiu at pigau unu spiciuedhu de pani e un’ampudha de àcua 2. dh'iat partu de intendi murigu in unu musúngiu acanta de ispàdula e tzinniga Ètimu srd. Tradutziones Frantzesu fourrage Ingresu pasture Ispagnolu forraje Italianu foràggio Tedescu Futter.

pravènda , nf: probenda, proendha, proenna, provenda, provendha Definitzione papare chi si giaet apostadamente a is animales, mescamente in bidha o candho no podent pàschere de ditu issoro; nau in cobertantza, cosa de papare bastat chi siat ma bista sèmpere che cosa prus bona o prus còmoda / dare sa proendha = abbrovendhare Sinònimos e contràrios achidarju, addescu, brevenda, musúngiu / cdh. pruenda, ttrs. prubendha Frases a su cadhu li ant postu sa proendha ◊ a cussos animales lis cheret dadu proendha ca ant manigadu pagu in campu ◊ mancari ingolumada a sa proendha, cussa crapa no ghirat desesi ◊ su trigu est proenna càlida 2. tue si ti mancat sa proendha no ischis istare! Ètimu ltn. probenda Tradutziones Frantzesu nourriture pour les animaux Ingresu daily provender ration Ispagnolu forraje, pienso Italianu profènda, biada Tedescu Haferration, Hafer.