Legenda Incurtzaduras | Legenda Sìmbulos

acalamàre , vrb rfl Definitzione èssere a assubentu comente est unu currendho, torrare àlidu a pelea Sinònimos e contràrios assupai Tradutziones Frantzesu se fatiguer Ingresu to worry oneself Ispagnolu jadear Italianu affannarsi Tedescu keuchen.

assagadàre , vrb: assagatare, sagatare Definitzione èssere a sàgada, torrare àlidu a pelea, a moida Sinònimos e contràrios abbatimare, afandhare, assubentai, atanare, irfodhiare, sufratare Frases est assagatatu a lamentu Ètimu srd. Tradutziones Frantzesu haleter Ingresu to pant Ispagnolu jadear Italianu ansimare Tedescu keuchen.

assolocàre , vrb: assologare, atzologare Definitzione arrespirare forte, a pelea, candho si leat múngia meda, arrebbentu, o fintzes assíchidu Sinònimos e contràrios assoropare, isalidare Tradutziones Frantzesu essouffler Ingresu to trouble Ispagnolu jadear Italianu affannare Tedescu keuchen.

assubentài , vrb: assubentare, assubrentare, assuentai, assuentare Definitzione èssere o fàere a assúpidu, torrare àlidu coment'e chi unu apat curtu; pigare su subentu o fúria bentosa Sinònimos e contràrios acaugare, addemare, atanare, irfodhiare, isalidare, scannai / assubrimare Frases su pipiu fiat assubentendu, cun cudhu sarragu mannu pariat donendu s'úrtimu respiru ◊ est arribbau a su monti assubentendu ◊ fiant assubentendu forti me is pesadas ◊ ses assuentendi ca fiast currendi ◊ si fiat assubrentau e isciopau puru ◊ seu giai assubentendi isceti a su pensamentu! Ètimu srd. Tradutziones Frantzesu devenir poussif Ingresu to become broken-winded Ispagnolu jadear, enfermar de huélfago Italianu ansimare, imbolsire Tedescu keuchen, ermatten.

assupadúra , nf Definitzione su assupai Sinònimos e contràrios assúpidu, isalenada Ètimu srd. Tradutziones Frantzesu essoufflement Ingresu pant Ispagnolu jadeo Italianu trafelaménto Tedescu Keuchen.

assupài, assupàre , vrb: supare Definitzione portare s'àlidu afannau, èssere assupandho meda, che a candho unu at curtu, o fintzes po maladia; istracare; prànghere a suncutos Sinònimos e contràrios afandhare, afauciae, afodhare, allacanae, ammatanai, isalenare, isalidare, sufratare / assungurtai, assunconai, assupedhare Frases ajaju si ndi fiat andau, lassendi is de domu tristus e assupaus ◊ su piciochedhu assupat unu pagu: est istétia una fatiga a si ndi bènniri a innòi a susu ◊ is pudhas furiant assupendu po sa basca ◊ su cuadhu fut crocau assupandho, morindhosi 2. su tèssere de isciaos est faina, assupat ancas, bratzos e ischina 3. a fúria de prantu, su pipiu, assupandhe, si nch'est dormiu Ètimu srd. Tradutziones Frantzesu essouffler, haleter Ingresu to pant Ispagnolu jadear Italianu trafelare Tedescu keuchen.

bémida , nf Definitzione respiru peleosu de chie at curtu meda o tenet neghe a prumones Sinònimos e contràrios abbémidu, acalamamentu, afandha, afodogu, assubentu, assúpidu, ghémida*, sàgada, sufrata, supedhu Frases est a bémidas dae su curre curre ◊ custa pigada manna mi faghet a bémida: sos prummones mios no ndhe balent prus! Tradutziones Frantzesu halètement, essoufflement Ingresu panting Ispagnolu resnello, jadeo Italianu ànsima, fiatóne Tedescu Atembeschwerde, Keuchen.

isalenàda , nf: isalenata Definitzione su isalenare, su arrespirare a forte coment'e candho paret mancandho s'alenu, s'àlidu, de sa pelea o de àteru / avb.: a un'i. = totu a unu, totu a una borta, unu ifatu de s'àteru a meda Sinònimos e contràrios assupadura Frases arratza de isalenadas in pigada!… 2. irrocos e inzestros vos vessint a un'isalenada Ètimu srd. Tradutziones Frantzesu essoufflement Ingresu panting Ispagnolu jadeo Italianu trafelaménto Tedescu Keuchen.

isalenàre , vrb: isalinare Definitzione arrespirare o torrare àlidu a pelea, impresse, coment'e candho si curret meda o si leat múngia manna; pèrdere s'alenu, cessare de torrare àlidu Sinònimos e contràrios assupai, isalidare / mòrrere Frases currendhe arrivaia isalenendhe ◊ acolla, isalenendhe, torrada a domo piús morta chi no bia! ◊ est assupridu isalenendhe che unu pissighidu ◊ a su piga e fala, fit isalenendhe ◊ so ómine de campagna nàschidu pro isalenare in custos ràscios!…◊ sos canes fint a proa a crebare, allacanendhe a limba a fora pariat chi fint isalenendhe s'últimu alenu 2. chena sacramentos, isalenat che un'anzone ◊ che fit vetzu mannu, at isalinadu e si ch'est mortu Ètimu srd. Tradutziones Frantzesu essouffler Ingresu to pant Ispagnolu jadear Italianu trafelare Tedescu keuchen.

isalidàre , vrb Definitzione torrare àlidu a pelea, agiummai èssere chentza àlidu, assupandho Sinònimos e contràrios afodogai, anare, assolocare, assubentai, isalenare, isfiadare Frases odheu, cun totu cussa pigada chi apo fatu so isalidendhe! ◊ so isalidendhe ca apo curtu Ètimu srd. Tradutziones Frantzesu essouffler Ingresu to pant Ispagnolu jadear Italianu trafelare Tedescu keuchen.

scanài , vrb Definitzione nau de su cane, candho paret isalidendhe assupandho a limba fora Sinònimos e contràrios acaogare Ètimu srd. Tradutziones Frantzesu haleter Ingresu to pant Ispagnolu jadeante Italianu trafelare Tedescu keuchen.

sufratàre , vrb: assufratare* Definitzione èssere a súlidu crutzu, torrare àlidu a pelea, de tunconidura a bruncos, a prumones Sinònimos e contràrios abbatimare, afandhare, afauciae, allacanae, ammatanai, assupai, irfodhiare Tradutziones Frantzesu haleter Ingresu to pant Ispagnolu jadear Italianu ansimare Tedescu keuchen.

«« Torra a chircare