campiòne , nm: campioni Definitzione ammostu o parte de calecuna cosa tanti po dha pòdere bíere o fintzes istudiare (es. c. de orrobba); persona chi at fatu provas mannas, chie in calecunu isporto arrennescet o est arrennésciu a èssere su méngius; foedhandho de istúdios, grupu o parte de calecuna cosa chi s'istúdiat po pòdere iscumbatare o averguare un'ipótesi / leare a c. (cosas, datos) = a scandàlliu Sinònimos e contràrios mustra / adalide Frases su turroni fatu cun meli no dh'ammostant mancu po campioni Tradutziones Frantzesu échantillon, champion Ingresu sample Ispagnolu muestra Italianu campióne Tedescu Muster.

modéllu , nm Definitzione css. figura, faina fata, ma fintzes cumportamentu, persona, o àteru, chi si pigat coment'e ghia, po dhi assimbigiare Sinònimos e contràrios folma, mógliu Frases tui ses istétiu sèmpiri modellu in sa poética faina ◊ cristianos, l'azis su modellu! Tradutziones Frantzesu modèle Ingresu model, mould, pattern Ispagnolu modelo Italianu modèllo Tedescu Vorbild, Muster.

mòsta , nf: ammosta, mostra, multra, mustra Definitzione su ammostare, su pònnere po bíere, su logu inue si ponet cosas de ammostare; sa cosa de ammostare: podet èssere unu ricamu (disegnos chi si faent in s'orrobba téssia o a ricamu puru, es. s'àghina, s'ispiga, su gravellu, su ballu, su cuadhu, is pigiones, su crebu, sa cassa, s'isposa, su sole); bículu de orrobba o àteru de ammostare, po bíere e ischire ite cosa est; manera de fàere po giare a crèdere una cosa po un'àtera, po fàere a bíere comente faet un'àteru; su chi paret, sa cosa comente paret, a su chi paret / sa mosta de su caidhu = su tretu inue s'abe intrat o essit de su casidhu Sinònimos e contràrios finta Frases ant bogadu bacas pro mustra a piata ◊ ca sos tribàglios suos sunt a notu faghent mustra in domo de sos segnores 2. dàemi sa mustra ca ti la chirco deo, cussa robba! ◊ bàtila a mustra, sa pannamenta! ◊ bàtimi sa mustra de su chi ses vendhendhe! (G.Ruju) 3. est una càssia, unu tapeto, una camisa totu a mustras ◊ at comintzadu s'orizu de sa tela pro fàghere su ballitu in sa mustra ◊ tessiat fàunas e fressadas a mustra de rosas ◊ est una fànuga cun sa mosta de sa catalufa 4. faghe sa mustra che chi ti che andhes! ◊ at fatu sas mustras e tue l'as crétidu! ◊ at fatu sas mustras de su mastru, de su preíderu, de sa mama ◊ sos fizos faghiant mustra de no si ndhe abbizare de su giambamentu de umore de su babbu 5. a sa mustra, su péssighe paret fatu ◊ a sa mustra, su melone no mi est piàghidu ◊ in cara bi gighet tota sa mustra de su chi at manigadu ◊ a sa mustra, cuss'ómine no mi piaghet a nudha Ètimu srd. Tradutziones Frantzesu exposition, échantillon, motif ornemental Ingresu exhibition, sample, motif Ispagnolu exposición, muestra, motivo decorativo Italianu móstra, campióne, motivo ornamentale Tedescu Schau, Ausstellung, Muster, Ornament.

«« Torra a chircare