Legenda Incurtzaduras | Legenda Sìmbulos

abbichèdha , nf: abbigedha, abbighedha Definitzione proja, proidura a lébiu, de abba paga, de pag'ora Sinònimos e contràrios abbita, arrosina, lentina, modhina, proischina, propixina, tzibina Frases est un'abbighedha serena serena ma ifundhet etotu ◊ abbigedha at betau, oe!… Ètimu srd. Tradutziones Frantzesu petite pluie fine Ingresu drizzle Ispagnolu llovizna Italianu pioggerèlla Tedescu Sprühregen.

abbíta , nf Definitzione próida de pagu contu Sinònimos e contràrios abbichedha, arrosina, papuschina, paspia, proischina, propixina, tzibina Ètimu srd. Tradutziones Frantzesu petite pluie fine Ingresu drizzle Ispagnolu llovizna Italianu pioggerèlla Tedescu Sprühregen.

arrosína, arrósina , nf: orrosina, rosina Definitzione abbighedha lébia, modhina, coment'e candho comintzat a pròere Sinònimos e contràrios aciàviu, arravinedha, irmimisia, lentina, modhina, modhura, paspia, proischina Frases s'erba sicada est inciusta de arrosina ◊ su lari de custu muru bastat un'arrosinedha e dhu bis totu ammudhiau! (E.Tola) Terminologia iscientìfica tpm Ètimu srd. Tradutziones Frantzesu bruine, crachin Ingresu misty rain Ispagnolu llovizna Italianu acquerùgiola Tedescu Sprühregen.

chischixína , nf Definitzione abbighedha fine fine, agiummai mufore Sinònimos e contràrios arrosina, modhaca, modhina, papuschina, paspia, proischina, tzibina Ètimu srd. Tradutziones Frantzesu petite pluie fine Ingresu drizzle Ispagnolu llovizna Italianu acquerùgiola Tedescu Sprühregen.

modhína , nf: moidhina, mudhina, mundhina Definitzione abbighedha chi proet lena a istidhighedhos piticos, o fintzes istídhigos matucos ma pagos Sinònimos e contràrios arrosina, chischixina, irmimisia, modhaca, modhura, papuschina, paspia, proischina, tzibina / cdh. muidhina Frases sa modhina paret unu lentore ◊ tota sa note at sighidu dae chelu a rúere selena una mudhina a butiu a butiu (G.Cherchi)◊ cale próidu? pagas modhinas at betadu! ◊ pustis de una note de modhina che esseit a chilcare monzeta Terminologia iscientìfica tpm Ètimu srd. Tradutziones Frantzesu bruine Ingresu sprinkling Ispagnolu llovizna Italianu spruzzàglia Tedescu Sprühregen, Nieselregen.

«« Torra a chircare