Ditzionàriu in línia
de sa limba e de sa cultura sarda

abbúcu , nm Definitzione atóbiu po si chistionare; cosa chi si narat, su nàrrere cosa coment'e po fàere callare, brigare a ccn.; foedhandho de papare, su dhu pònnere in buca a ccn. chi no si abbalet a papare a solu / èssere a s'a. = nadu de criadura de mama chi no zughet late, èssere addescadu Sinònimos e contràrios abbojada, abbojamentu, abboju, addopu, azóviu / abbúchiu, abbruncu, ispórchidu Ètimu srd. Tradutziones Frantzesu entretien Ingresu interview Ispagnolu entrevista Italianu abboccaménto Tedescu Unterredung.

acaràda , nf Definitzione su si acarare, nau fintzes in su sensu de si presentare po foedhare o arrespòndhere a ccn. Sinònimos e contràrios acaramentu, acarascione, acollóchiu, acraramentu, afaciadura, perrogu Frases mai un'acarada a ti connòschere che as fatu! Ètimu srd. Tradutziones Frantzesu entretien Ingresu talk Ispagnolu entrevista, cita Italianu abboccaménto Tedescu Unterredung.

acarài , vrb: acarare 1 Definitzione pònnere a cara de pare, prus che àteru po foedhare Sinònimos e contràrios acarire / afrontai, agiostrare, atzuridare, cadojare, iscamurriare, rumbicare Frases ant fatu acarare sas partes e donzunu at nadu sa sua Ètimu spn. acarar Tradutziones Frantzesu s'aboucher Ingresu to meet Ispagnolu abocarse, entrevistarse Italianu abboccarsi Tedescu eine Unterredung führen.

acollóchiu , nm: collóchiu Definitzione atóbiu de duas o prus personas po si foedhare Sinònimos e contràrios acaramentu, acraramentu, incontra Ètimu srd. Tradutziones Frantzesu entrevue Ingresu talk Ispagnolu coloquio Italianu collòquio Tedescu Unterredung.